Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ڈان لیکس دا نواں روپ:راؤ تحسین عدالت جان گے؟

ڈان لیکس دا نواں روپ:راؤ تحسین عدالت جان گے؟

وچار ڈیسک
May 1st, 2017

رپورٹ آ وی جائے تے ڈان لیکس دا ماملہ مکدا دکھائی نہیں دے رہیا۔اک پاسے راؤ تحسین عدالت جان دی اڈیک وچ نیں اتے رپورٹ ویکھن بعدوں ایہہ کم کرن گے۔دوجے پاسے اے پی این ایس وچ ڈان اخبار، ایڈیٹر تے سرل ہوراں نوں جانا ہے۔بڑی دلچسپ گل ہے کہ ججاں دی انکوائریاں جج کردے نیں، فوجیاں دی انکوئریاں فوجی ادارے تے ہن پتہ چلیا صحافی وی انہاں دے بربر ہو گئے نیں کہ صحافیاں دی انکوائریاں اک صحافی تنظیم کرے گی۔ہوسکدا ہے کجھ قوتاں اخبار نوں بند کروان دی گل کر رہیاں ہون تاں ایس ماملے نوں اے پی این ایسول ٹور دتا گیا۔ پر ذرا غور تے کرو، سیاستداناں تے سول افسراں دی انکوائریاں ایہہ تنوں کرن۔راؤ تحسین دا آکھنا ہے کہ کمیشن ذمہ واراں تیک تے پہنچیا ہی نہیں تاں فیر مینوں کیوں سزا دتی؟میرے وکیل ایس رپورٹ دی پکی کاپی منگی ہے اتے اوس بعدوں میں عدالت جاواں گا۔سرل ہوری کیوں خموش ہے ایس بارے وی گلاں ہو رہیاں نیں۔جنج عمران خان ڈان لیکس دے لکھاری جج نوں نواز شریف دا ملازم آکھ رہے نیں اوہ اک کوڑ گل ہے۔اک پاسے اوہ جج آصف کھوسہ دی تعریفاں کردے نیں، انہاں دگلاں نوں دن رات وزیراعظم خلاف ورتدے نیں اتے چیف جج دے سمجھاون بعد وی انہاں دا پرنالہ اوتھے ہی ہے۔سپریم کورٹ دا رجسٹرار آفس وی چپ ہے تے ججاں دے ناں نوں سیاستاں پاروں ورتن بارے کجھ نہیں بولدا۔لگدا ایہو ہے پئی ڈان لیکس دا ماملہ ہن ہور نویں روپ وٹے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels