Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> تہاڈے آکھن تے استعفی نہیں دواں گا۔نواز شریف

تہاڈے آکھن تے استعفی نہیں دواں گا۔نواز شریف

وچار ڈیسک
April 30th, 2017

وزیراعظم تے استعفی دین دا پریشر پاون والیاں نوں میاں نوازشریف سدھا جواب دے دتا۔اج کل انہاں تے ہر پاسیوں پریشر پایا جا رہیا ہے اتے ایہہ پاکستان وچ کوئی نویں گل نہیں۔کجھ پارٹیاں کولوں تاں ایہو امیداں سن پر ایس وچ سب توں کوڑ بیانیہ پی پی پی دا ہے۔نواز شریف اج اوکاڑے وچ عوامی اکٹھ نال گل بات کر رہے سن۔ایہہ نساں دا کھیڈ ہے تے ویکھنا ایہہ ہے کون کڈا پریشر لے سکدا ہے۔ہمش وانگ سول ملٹری پاڑ دی آڑاں لے کے مختلف گروہ اپنا اپنا رانجھا راضی کرنا چاہندے نیں۔دھرنے والا میڈیا اک وار فیر اپنا پرانا کھیڈ سارا دن کھیڈدا رہیا۔ اوہی پرانی کہانیاں، اوہی پرانی دلیلاں، پر اج پی پی پی دا ذکر پیار نال کردے رہے کیونجے اج پی پی پی قومی اتحاد تے آئی جے آئی وچ رل گئی ہے تے انہاں ورگا بیانیہ ہی اج قمر زمان قائرہ تے خورشید شاہ بولدے رہے۔غصہ ایہہ ہے کہ جوڈیشل کمیشن،پانامہ لیکس، ڈان لیکس ورگے بوبی ٹریپاں توں ایہہ بچ کنج گیا ہے۔صبح شام جمہوریت دا ذکر کرن والا رجا ربانی چپ ہے۔عمران خان نوں جواب دیندے ہوئے نواز شریف ایہہ دس دتا کہ اوس دے من وچ کیہہ ہے۔جو ہنگامہ آئی ایس پی آر دی ٹوائیٹ توں پیدا ہویااوہ ایس دا حصہ ہے یا نہیں ایس دا پتہ وی چل جائے گا۔جنج اج ڈان لیکس رپورٹ دے لکھاری جج ہوراں خلاف گلاں ہوندیاں رہیاں اوہ مناسب نہیں سن۔نوازشریف نہ صرف استعفی نہ دین دا اعلان کیتا سگوں بجلی دے منصوبے پورے کرن دا اعلان وی کیتا۔ تحریک انصاف تاں مارے جلدی وچ ہے کیونجے بدھ توں عمران خان خلاف کیس سنایا جانا ہے۔نساں دا کھیڈ جاری ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels