Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> باہرلے پاکستانیاں لئی شناختی کارڈ : فیس منافع بغیر طے ہونی چاہیدی ہے: سپریم کورٹ

باہرلے پاکستانیاں لئی شناختی کارڈ : فیس منافع بغیر طے ہونی چاہیدی ہے: سپریم کورٹ

وچار ڈیسک
April 30th, 2017
5 / 5 (1 Votes)

اسلام آباد سپریم کورٹ نے چیئرمین نادرا نوں حکم دتا ہے کہ باہرلے ملک کم کر دے نادرا دفتراں وچ کڈے بندے ملازم نیں اتے اوہ کدوں توں کم کررہے نیں۔ عدالت نوں تفصیلاں فراہم کیتیان جان اتے ملازمت کرن والیاں دیاں تنخواہاں بارے وی دسیا جائے۔ جمعرات نوں سپریم کورٹ وچ سمندر پار پاکستانیاں دی شناختی کارڈ فیس پاروں ازخود نوٹس دی پیشی سی۔ چیف جسٹس ثاقب نثار نے آکھیا کہ باہرلے پاکستانیاں دی خدمات قابل ستائش نیں۔ چیف جسٹس آکھیا شناختی کارڈ حاصل کرنا ہر پاکستانی دا حق ہے۔ نادرا غیر منافع بخش ادرہ ہے۔ شناختی کارڈ دی فیساں منافع توں بغیر طے ہونیاں چاہیدیاں نیں۔ ملکوں باہر کم کرن والیاں لئی رعایتاں ہونی چاہیدیاں نیں۔ جسٹس عمر عطا بندیال آکھیا کہ مقامی پاکستانیاں لئی شناختی کارڈ دی فیس گھٹ جد کہ سمندر پار پاکستانی جیہڑے زرمبادلہ گھلدے نیں تے زیادہ تر مزدور طبقہ نیں انہاں توں زیادہ فیساں وصول کیتیاں جاندیاں نیں۔پر جے ویکھیا جائے تے مقامیاں توں1600 روپے لینا وی غلط جے۔بہوں سارے پاکستانی ایڈی رقم وی نہیں دے سکدے۔پر اج کل باہرلیاں دی چڑھتل دا زمانہ ہے۔ چیئرمین نادرا نے دسیا کہ لوکل پاکستانیاں دے شناختی کارڈ تے سبسڈی دتی جاندی ہے تے باہرلے ملکاں وچ کم کردے سنٹراں دے خرچے زیادہ نیں۔ خرچے وادھو ہون پاروں فیس وی زیادہ لتی جاندی ہے۔ کینیڈا وچ شناختی کارڈ تے 2000 جد اں کہ گلاسکو وچ 1600 اضافی لاگت ہے تے فیساں وچ اضافہ 2012 وچ کیتا گیا۔ چیف جسٹس نے آکھیا کہ فیس وچ اضافے دی ٹھوس وجہ نظر نہیں آندی۔ انہاں نے آکھیا کہ جد آن لائن کارڈ بنوان دی سہولت موجود ہے تے بیرون ملک نادرا سینٹر بند کیوں نہیں بند کردتے جاندے تے جد پاسپورٹ تے شناختی کارڈ موجود ہون تے نائیکوپ کارڈ بنان دی کیہ ضرورت ہے۔ چیئرمین نادرا نے آکھیا نائیکوپ کارڈ دے لئی کسی نوں مجبور نہیں کیتا جاندا۔ غیر ملک وچ پاکستانیاں لئی شہریت چھڈن والے پاکستانیاں نوں دو طراں دے کارڈ دتے جاندے نیں۔ نائیک کوپ کارڈ شہریت ترک کرن والے پاکستانیاں لئی ہے۔ شہریت ترک چھڈن والے پاکستانیاں نوں ایس کارڈ دے پاروں ویزیاں دی لوڑ نہیں ہوندی جداں کہ اوریجن کارڈ روزگار لئی دیار غیر گئے پاکستانیاں لئی نیں۔ چیف جسٹس پچھیا کہ لمیرے چر توں باہر رہن والے پاکستانیاں دے پیدا بچے، پاکستانی منے جان گے۔ جس تے چیئرمین نادرا نے آکھیا کہ ایہو جہے والدین نوں پاکستانی سفارت خانیاں تے قونصل خانیاں وچ بچے دی رجسٹریشن کرانا ہوئے گی۔ عدالت 26 ملکاں وچ کم کردے نادرا دے دفتراں دی تفصیلاں2 ہفتیاں وچ منگ لتیاں تے بغیر ڈیٹ دتے کیس نوں فیر کدی بنن داآکھ دتا۔زیادہ تر مسلے انہاں پاکستانیاں دے نیں جنہاں شہریتاں چھڈیا یا دہری شہریتاں رکھدے نیں اتے انہاں بارے ہی سوال جواب ہوئے۔ پر بھار ودھان نوں انہاں باہر رہن والے پاکستانیاں نوں وی رلتی کیتا جاندا ہے جنہاں شہریتاں نہیں چھڈیاں۔دوناں نوں وکھرا کرو تاں فیر ڈیٹا ویکھو تے اگے دی گل سمجھ آسکدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels