Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فریڈم انڈکس: پاکستان لئی ودھیا خبر۔اک سال وچ اٹھ درجے

فریڈم انڈکس: پاکستان لئی ودھیا خبر۔اک سال وچ اٹھ درجے

وچار ڈیسک
April 30th, 2017

واشگٹن: ایس انڈکس موجب امریکہ تے بھارت سنے بہوں سارے ملکاں وچ جتھے آزادی صحافت دا کم خراب ہو رہیا ہے پر اپنے پاکستان دا شملہ اوچا ہو رہیا ہے۔ایس سال ورلڈ پریس فریڈم انڈکس وچ پاکستان 8 درجہ ترقی کرلتی۔ 180  ملکاں تے مشتمل انڈکس وچ پاکستان دا نمبرویسے تے 139 واں ہے پرجے ایس دا مقابلہ پچھلے سالاں نال کرو تاں لگ پتہ جاندا ہے۔انڈکس دس پاندی ہے کہ 2016 توں ملک وچ آزادی صحافت دے حوالے توں خاصی بہتری آئی ہے۔ رپورٹرزودآوٹ بارڈر (آر ایس ایف) دی نویں رپورٹ دے مطابق بھارت دا تِن درجے کمی دے نال نمبر 136واں نمبر ہوگیا ہے۔ پچھلے سال پاکستان درجہ بندی وچ 147 ویں نمبر تے سی۔ آر ایس ایف رپورٹ وچ مقبوضہ کشمیر وچ انسانی حقوق دی سنگین خلاف ورزیاں تے بھارت نوں شدید تنقید دا نشانہ بنایا گیا جتھے صحافی وی قبضہ گیرفورسز ہتھوں تشدد دا شکار ہوئے۔ بھارتی کشمیر وچ اکٹھ دی کوریج دبان لئی بھارتی حکومت دی کوششاں وچ وادھا ہویا۔ رپورٹ وچ پاکستان دے حوالے نال دسیا گیا کہ پاکستانی میڈیا ایشیا وچ بہوں آزاد تصور کیتا جاندا ہے پر ایتھے وی جرنلسٹ عسکریت پسند تنظیماں تے سرکاری ایجنسیاں دے ہتھوں محفوظ نہیں نیں۔ ہر سال انہاں نوں مارن لئی حملے ہوندے نیں۔پچھلے چار سالاں وچ ایسے واقوعیاں وچ گھاٹا ہویا۔ ایس توں اڈ سرکاری حکام تے سیاسی جماعتاں وی صحافیاں نوں ہراساں کرن وچ ملوث رہے۔ پریوینشن آف الیکٹرونک کرائمز ایکٹ 2016 پاروں فوج، اسلام تے عدالتی نظام تے تنقید نوں قابل تغریر جرم قرار دتا گیا۔ میڈیا نے ایس دی مذمت کیتی ہے۔ آر ایس ایف رپورٹ وچ آزادی صحافت دے حوالے نال امریکہ دے درجے گھٹ ہوئے نیں۔ ایس دا نمبر 43 واں ہے، آزادی صحافت دی انڈکس وچ ناروے نے ہن چھ سال تک پہلے نمبر تے رہن والے فن لینڈ دی تھاں لے لتی تے سویڈن دوجے نمبر تے ہے اتے شمالی کوریا آزادی صحافت پاروں اخیری نمبر تے ہے۔160تواتے ملکاں وچ ایران، سعودی عرب، یمن،لبیا،شام ورگے ملک رلتی نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels