Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مال بناؤ پراجیکٹ: سعودی عرب سانوں رقم وی دے۔ ٹرمپ

مال بناؤ پراجیکٹ: سعودی عرب سانوں رقم وی دے۔ ٹرمپ

وچار ڈیسک
April 30th, 2017

امریکہ سعودی عرب دی فوجی ضرورتاں پوری کرن والا سب توں وڈا ملک ہے جیہڑا ایس نوں ایف 15 لڑاکا طیاریاں توں لے کہ کنٹرول اینڈ کمانڈ تک دے نظام دے رہیا ہے جہناں دی مالیت ارباں ڈالراں وچ ہے۔ صدر ڈونلڈ ٹرمپ آکھیا ہے کہ سعودی عرب امریکہ دے نال منصفانہ برتاؤ نہیں کررہیا جس دی وجہ توں واشگٹن نوں انہاں دی سلطنت دے راکھی لئی بھاری مالی نقصان چکنا پئے رہیا ہے۔ اخباری ادارے رائیٹرز دے نال اپنے انٹرویو وچ صدر ڈونلڈ ٹرمپ نے ایہہ تصدیقاں کیتیاں کہ انہاں دی نتظامیہ مئی دے دوسرے ہفتے وچ سعودی عرب تے اسرائیل دے دورے بارے گل بات کررہی ہے۔ اوہ صدر دے طور تے اپنے پہلے غیر ملکی دورے تے نیٹو دے اجلاس وچ رلت لئی 25 مئی نوں برسلز جان گے تے ایس موقع تے اوہ دوجی تھاوں تے وی رک سکدے نیں۔ انہاں نے آکھیا کہ سچی گل ایہہ ہے کہ سعودی عرب ساڈے نال مصنفانہ برتاؤ نہیں کرہیا کیونکہ اسی سعودی عرب دی حفاظت لئی بھاری رقماں خرچ کرچکے ہاں۔ پچھلے سال اپنی انتخابی مہم دے دوران وی اوہ سعودی عرب تے ایہو نکتہ چینیاں کردے رہے کہ سعودیاں دی راکھی تے امریکہ نوں اپنے کولوں بھاری رقم خرچ کرنی پئے رہی ہے۔ امریکہ سعودی عرب دی فوجی ضرورتاں پوری کرن والا سب توں وڈا ملک وی ہے تے ایس دے نال نال امریکی ٹھیکیداراں نوں اوتھے توانائی دے شعبے وچ وڈے وڈے ٹھیکے ملدے نیں۔ دنیا وچ تیل برآمد کرن والے اک وڈے ملک تے ایس نوں ورتن والے دے طور تے دوناں ملکاں دے درمیان دہاکیاں توں گوڑے رشتے نیں۔ 1970 دے عشرے دے بعد توں جداں تیل دی پیداوار وچ چوکھا وادھا ہویا۔ جدید سعودی عرب دی تعمیر وچ امریکی کمپنیاں وڈا حصہ پایا۔ صدر ٹرمپ دے انہاں تبصریاں تے فوری طور تے سعودی عرب دا ردعمل حاصل نہیں کیتا جا سکدا۔ پر سعودی وزیر خارجہ عادل بن الجبیر نے صدر ٹرمپ دی انتخابی مہم دے دور ان ایس نال ملدے جلدے تبصریاں نوں مسترد کردتا سی۔ انہاں نے پچھلے سال جولائی وچ امریکہ دے اپنے دورے دے موقع تے سی این ین نیوز چینل نال گل کردے ہوئے آکھیا سی کہ امریکہ دے اک اتحادی دے طور تے سعودی پادشاہت دا اک اپنا مقام جے۔
http://www.urduvoa.com/a/3830490.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels