Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لکڑ چوراں اگے سب ہتھل۔خیبر پی کے، پنجاب تے وفاق دس دین ، اوہ بے بس نیں: سپریم کورٹ

لکڑ چوراں اگے سب ہتھل۔خیبر پی کے، پنجاب تے وفاق دس دین ، اوہ بے بس نیں: سپریم کورٹ

وچار ڈیسک
April 25th, 2017

سپریم کورٹ دے جسٹس شیخ عظمت سعید نے مارگلہ دے پہاڑاں تے رکھاں دی کٹائی توں متعلق از خود نوٹس دے دوران ریمارکس دتے کہ مارگلہ وچ درختاں دی کٹائی تے پہاڑاں دی بلاسٹنگ ثابت ہوچکی ہے۔ وفاق خیبر پختونخوا تے پنجاب حکومت کوئی کاروائی نہیں کیتی۔ حکومتاں دس دین کہ اوہ بے بس نیں تے قنون تے عمل نہیں کراسکدے ۔ کسی حکومت نے وی ذمہ وار افسراں خلاف ایکشن نہیں لتا۔ ترے دی ترے سرکاراں مافیا دے ہتھوں یرغمال بنی ہوئی نیں۔ اج اک وار پھیر سپریم کورٹ وچ مارگلہ دی پہاڑیاں تے درختاں دی کٹائی دے متعلق ازخود نوٹس دی سماعت ہوئی۔ جسٹس شیخ عظمت سعید نے ایڈووکیٹ جنرل خیبر پختونخوا توں پچھیا کہ کیہہ بنی گالہ خیبر پختونخوا وچ ہے؟ تہانوں بنی گالہ دی ایڈی فکر کیوں ہے؟ تساں اپنے صوبے بارے دسو۔ تنوں حکومتاں مافیا دے ہتھوں یرغمال بنی ہوئیاں نیں کیہ تِینوں حکومتاں نے مافیا کولوں الیکشن لڑن لئی پیسے پھڑے نیں۔ عدالت نے مارگلہ دی پہاڑاں دے درختاں دی کٹائی دے ذمہ واراں دی فہرست طلب کرلتی۔ سپریم کورٹ نے کیس دی سماعت اک ہفتے لئی ملتوی کردتی ہے۔ ٹمبر مافیا بار جاندے تے سب نیں پر بولدا کوئی نہیں۔میڈیا وی انہاں بارے خموش ہی رہندا ہے کیونجے وڈے وڈے سول ملٹری بیوروکریٹ وی ایس توں باہر نہیں۔تمبر مافیا دی چوری بارے پورا پاکستان جاندا ہے اتے سپریم کورٹ سوال وی پچھ رہیا ہے پر ایس دا جواب دین نوں کوئی تیار نہیں۔کرپشن خلاف دن رات نعرے لان والے وی چپ نیں کہ ماربل ، پراپرٹی تے ٹمبر مافیا ہی اخیر کم آنا ہوندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels