Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> تہاڈے سمیت ہر کوئی عدالتی فیصلیاں دا احترام کرے۔ چیف جسٹس ثاقب نثاردا عمران نوں جواب

تہاڈے سمیت ہر کوئی عدالتی فیصلیاں دا احترام کرے۔ چیف جسٹس ثاقب نثاردا عمران نوں جواب

وچار ڈیسک
April 24th, 2017

’’میں ملکی اداریاں دے مگر کھلوتاں ہاں‘‘ ایہہ گل اج عمران خان سپریم کورٹ وچ ہون والے مقدمے وچ آکھی۔ ایہہ مقدمہ بنی گالہ وچ درختاں دے کٹن تے نجیز تجاوزاتاں پاروں چل رہیا ہے۔ چیف جسٹس ہوراں بڑے پولے انداز وچ خان ہوراں نوں سمجھایا۔ انہاں خان ہوراں نوں آکھیا دنیا وچ بے شمار فیصلیاں نال اختلافی نوٹ نتھی ہوندے نیں پر انہاں تے اینج بحثاں نہیں ہوندیاں جنج پاکستان وچ ہورہیاں نیں.....تہاڈے سمیت ہر کسی نوں عدالت دے فیصلیاں دا احترام کرنا چاہیدا ہے..... تسی اک عام شہری نہیں.....لوگ تہاڈے ول تکدے نیں..... تہاڈے الفاظ لوکاں نوں مثبت انداز نال سوچن ول لیجاسکدے نیں۔ ایس موقعہ تے عمران خان ہوراں سپریم کورٹ دے پنج رکنی بینچ دی تعریفاں کردے ہوئے آکھیا میں ملکی اداریاں مگر کھلوتاں ہاں۔ محول نوں لائٹ کردے ہوئے چیف جسٹس دسیا کہ اوہ ایچی سن کالج وچ خان دی کپتانی وچ کھیڈ چکے نیں۔ فیر انہاں خان ہوراں نوں آکھیا ’’تہانوں یاد ہے اک دفعہ تساں ایڈے زور دی ہٹ لائی سی کہ بال چرچ توں وی اگے جا ڈگا سی۔‘‘
چیف جسٹس مقدمے بارے آکھیا کہ بنی گالہ دے رکھاں نوں نہ کٹیا جائے اتے بونٹیکل گارڈن بنی گالہ وچ بنائی جان والی کسی عمارت نوں گیس تے بجلی فراہم نہ کیتی جائے۔ مقدمے بعدوں میڈیا نال گل بات کردے عمران خان آکھیا کہ میں چیف ہوراں دا شکر گذار ہاں کیونجے انہاں اک عوامی مفاد دے کم نوں اہم سمجھیا۔ خان ہوراں اختلافی نوٹاں بارے چیف دی ’’ہدائیتاں‘‘ بارے میڈیا نال کوئی گل نہ کیتی۔
دوجے پاسے شیریں مزاری تے عمران خان نے تے پارلیمنٹ وچ راحیل شریف دی نویں نوکری تے سعودی اتحاد بارے قرار داد لیانی سی پر جاپدا ہے ایتھے وی یو ٹرن لے لتا گیا ہے۔ کدی اوہ جے آئی ٹی نوں مسترد کردے نیں تے کل عمران خان آکھ رہے سن کہ نواز شریف جے آئی ٹی وچ پھس گیا ہے۔ عمران خان دے بلارے فواد چوہدری میڈیا نال گل بات کردے آکھیا ہے کہ اساں سپریم جوڈیشنل کونسل وچ چیئر مین نیب خلاف ریفرنس دائر کردتا ہے۔ اساں سمجھدے ہاں چیئرمین نیب نوں فوری طور تے کم کرن توں روک دتا جائے۔ اوہ ایہہ نہیں دس سکے کہ سپریم کورٹ اپنے فیصلے وچ چیرمین نیب نوں کیوں نہیں ہٹایا۔ سپریم کورٹ وزیر اعظم دا استعفیٰ نہیں منگیا پر خان ہوراں تے انہاں دے سجناں فیصلے دی آپ تشریحاں کر لتیاں۔ہن جداں چیف ہوراں سمجھایا ہے تاں اوہ اک نویں تشریح لے کے آگئے نیں۔سب ویکھ رہے نیں کہ اوہ کیہڑی گل ہے جس نوں بھلن دی کوششاں کیتی جارہی نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels