Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوفی مشال شہید کیس:خیبر پی کے دی آزادپلس پی ٹی آئی دا کونسلر نہ پھڑ سکی۔نرے تن ملزماں جرم قبولیا

صوفی مشال شہید کیس:خیبر پی کے دی آزادپلس پی ٹی آئی دا کونسلر نہ پھڑ سکی۔نرے تن ملزماں جرم قبولیا

وچار ڈیسک
April 24th, 2017

مشال قتل کیس وچ گرفتاریاں تے34ہو چکیاں نیں پر ہلے تیک تن مرکزی ملزماں نوں پلس پھڑ نہیں سکی جنہاں وچ صوبے دی حکمران پارٹی داکونسلر اتے مردان دا پارٹی لیڈر عارف وی رلتی ہے۔ہلے تیک عارف نوں پارٹی توں کڈہن دا کوئی حکم جاری نہیں ہویا۔اج جیو نیوز نے پی ٹی آئی دے کونسلر دے نہ پھڑن جان دی خبر جاری کیتی پر کجھ دن پہلاں خانزادہ دے پروگرام وچ کونسلر دے پھڑیچن بارے دسیا گیا سی۔ ڈان دی رپورٹ وچ دسیا گیا ہے پئی ہن تیک پھڑیچے34بندیاں وچوں نرے تن ملزماں جج دے سامنے مشال تے تشدد نوں قبولیا ہے اتے بہوں سارے پلس نوں دتے بیاناں توں مکر چکے نیں۔سپریم کورٹ وی ایس کیس نوں سن رہی ہے اتے ایس دی تریخاں لمیاں نہیں پینی چاہیدیاں اتے ایس وچ بے گناہواں تے جلوس وچ رلتی پر تشدد نہ کرن والیاں، اکساون والیاں تے تشدد کرن والیاں نوں وکھ وکھ کر کے کیس چلانا لوڑی دا ہے۔سیکولر اے این پی اپنے مردان دے لیڈر نوں شوکاز نوٹس دتا ہے پر ایس حساس ماملے وچ رلتی منڈیاں نوں پارٹیاں توں کڈ کے انہاں کولوں تفتیشاں کرنیاں لوڑی دیاں نیں۔سوشل میڈیا تے مشال دے ٹرینڈ تے اک ویڈیو ٹوائیٹ کیتی گئی ہے جس بارے دعوی کیتا گیا ہے کہ ڈی ایس پی حیدر خان وی لوکاں نوں اکسان والیاں وچ رلتی سی۔ میڈیا تے مشال کیس بارے خبراں گھٹ گیاں نیں ۔
Sufi Mashal case news at Twitter
https://twitter.com/search?q=%23MashalKhan&src=tyah


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels