Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ضیا الحقی آرٹیکل 62,63 تے پانامہ فیصلہ

ضیا الحقی آرٹیکل 62,63 تے پانامہ فیصلہ

وچار ڈیسک
April 21st, 2017

پانامہ فیصلے تے خش ہون والے عمران خان تے نواز شریف اوس دن سمجھن گے جداں 62,63 اْن تے لگے گی اتے ایہہ دن کدی وی آسکدا ہے۔حیران نہ ہونا جن اختلافی نوٹاں نوں پی پی پی والے نواز دے بغض وچ چک رہے نیں انہاں وچ انہاں ضیاالحقی شقاں دا ورتارہ وادھو۔این اوسی بعدوں وی انہاں سمجھ نہیں آئی کہ اصل پریشر کیہہ سی۔
پانامہ کیس دے فیصلے وچ رلتی اختلافی نوٹاں وچ سانجھ آئین دی اوہ مشقاں جہناں نوں ضیاالحق 8 ویں ترمیم پاروں آئین وچ واڑیا سی۔ ضیاالحقیاں سانوں کدوں تیک تنگ کردیاں رہن گیاں ایس بارے ہر چوتھے دن سانوں جھٹکے لگدے نیں۔ شہید صوفی مشال کیس وچ وی اساں ضیاالحقیاں ویکھیاں کہ ریاست وچ ریاست بناون والیاں ہی اوس نمانے نوں قتل کیتا۔ آئین دی ایہہ مشقاں ایسے دن لئی پایاں گیاں سن کہ ضیاالحق مر وی جائے تے اوس دے مگروں ایس نوں بربر ورتیا جا سکے۔ اوہی اج ہورہیا ہے۔ ایسے عدالت وچ ایہہ بحث ہو چکی ہے اتے ایہو عدالت آکھ چکی ہے کہ جے اساں 62، 63 تے اینج عمل شروع کروادتا تے ملک پاکستان اندراک انتشار مچ جائے گا۔ہورے بہوں سارے ایسے ایجنڈے تے چل رہے نیں۔جے ایہہ شقاں ایڈیاں ہی چنگیاں نیں تاں پئی فیر 63,62 پہلے تے ججاں تے لاؤ اتے اپنے محکمے تے لاون بعدوں فیر سول ملٹری دے دوسرے ہرکاریاں تے لاؤ۔عدالت موجب ایس دی اک تشریح ایہہ آئی سی کہ جے کسے نوں کسی عدالت سزا دتی ہے تاں اوس تے 63,62 لگے گی۔ پر اختلافی نوٹ والیاں ایس نوں ہورے کنج ورت لیا۔ پارلیمنٹ نوں ایس شق وچ ترمیم کروانی لوڑی دی ہے اتے جنج انہاں طریقے نال 17 ویں ترمیم نوں مکایا سی انج ہی 8 ویں ترمیم نوں وی آئین توں کڈہنا لوڑی دا ہے۔ اختلافی نوٹ نوں چکن والے زرداری ہوری کڈی وار 63,62 خلاف گل کرچکے نیں۔ پر ہن اوہ اختلافی نوٹاں دی تعریفاں کردے ہوئے ایس مشق دی حمائیت کرکے پیپلز پارٹی دے بیانیے نوں آپ رگید رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels