Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مایو سیاں: جابچہ 60دناں بعد آئیں۔فیصلہ آگیا مگر؟

مایو سیاں: جابچہ 60دناں بعد آئیں۔فیصلہ آگیا مگر؟

وچار ڈیسک
April 20th, 2017

ادھا گلاس بھریا ہیا تے ادھا خالی، اک پاسے عدالت پٹیشنردی بنیادی استدعا نوں نہیں منیا تے دوجے پاسے جے آئی ٹی وی بنا دتی۔جنہاں نوں پانامہ دے فیصلے دی اڈیک سی اوہ فیر کراہے پئے گئے۔ٹی ویاں تے تشہیراں پاروں ہر کوئی خش رہن دی ایکٹنگ تے کر رہیا ہے پر سوشل میڈیا تے اصل کہانی سامنے۔
وزیراعظم توں استعفیٰ نہ ملن تے مایوسیاں وادھو کہ اس دا وڈا اظہار پی ٹی آئی دے حامی سوشل میڈیا تے بربر کررہے نیں۔ ججاں بارے ایسے ایسے الفاظ لکھے جارہے نیں کہ ایتھے لکھے وی نہیں جاسکدے۔ ٹی وی تے بہرحال، ذرا ہور گل کرنی پیندی ہے کیونجے ’’عزت سادات‘‘ وی بچانی ہوندی ہے۔ تاں مارے شیخ رشید، عمران خان وغیرہ کوڑی گولی پین تے مجبور۔ میڈیا تے 60دن ہور کھیڈے گا اوس نوں تے بہوں فیدے نیں۔ وزیراعظم نوں استعفیٰ دین دا آکھن والے جے آئی ٹی اتے اوس وچ رلن والے اداریاں تے بے اعتباری ظاہر کررہے نیں۔کوئی آکھدا ہے جے آئی ٹی تے ات گرداں لئی بنائی جاندی ہے، کوئی آکھدا ہے کیہہ وزیراعظم گریڈ20 دے افسر اگے پیش ہون گے۔پئی وزیراعظم داگریڈ20 دے افسر اگے پیش ہونا ماڑی گل کیوں؟بندہ بیانیہ ہی ٹیک بنا لیندا ہے۔ایہو نہیں سگوں وکھری رائے دین والے ججاں دے بار بار نال لین نال اوہ انہاں ججاں نوں متنازعہ کررہے نیں۔ ایہہ سب نرا عزت سادات بچاون دا آہر ہے کہ پی ٹی آئی دہری پھس چکی ہے۔ شیخ رشید، جہانگیر ترین اک پاسے ایہہ آکھدے نیں کہ نواز شریف جے آئی ٹی نوں قابو کرلے گا دوسرے پاسے ایہہ آکھدے نیں فوجی خفیہ اداریاں توں علاوہ۔ مطلب ایہہ ہے کہ سولین تے وک سکدے نیں پر دوجے نہیں۔ ایہہ سب پی ٹی آئی دی فریسٹریشن دے مختلف اظہار نیں۔ پی ٹی آئی نوں فیصلے تے گل کرنی چاہیدی ہے پر ججاں نوں متنازعہ نہیں بنانا چاہیدا۔ویکھیا جائے تے عدالت ’’گیند‘‘ اپنی کولوں اداریاں ول سٹ دتی ہے پر دوجے پاسے اوہ اداریاں تے تنقیداں وی کر رہے نیں۔فیصلے توں کون خش تے کون نراض، ایس بارے گل نری ڈرائنگ روماں وچ ہو سی۔کیہہ وزیر اعظم نوں آکھیا جا رہیا ہے کہ اوہ آپ اسمبلیاں توڑ کے نویں چوناں کروا دین؟ پر توانائی دے جیہڑے منصوبیاں نوں وزیراعظم اگلے ورہے فروری تیک پورا کرنا چاہندے نیں اتے دس ہزار میگاواٹ دے تحفے نال الیکشن وچ جانا چاہندے نیں اوس دا کیہہ بن سی؟بجلی توں بغیر چوناں وچ جان توں چنگا ہے کہ ’’پنگا‘‘ لے کے چوناں وچ جان۔چینی سرمایہ کاری توں فیدے چکن تے ات گردیاں نال نبڑن لئی لوڑی دا ہے کہ زیادہ پنگے پاون دی تھاں سب رل مل چلن تے دوجے جمہوری تسلسل دے ٹیچے نوں پورا کر کے اگے دا راہ کڈہن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels