Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لکویں بٹن:فیر اوہی رنڈی رونا؟پر سیاست جاری رہے گی

لکویں بٹن:فیر اوہی رنڈی رونا؟پر سیاست جاری رہے گی

April 19th, 2017

پاکستان وچ چونویں حکومتاں نوں تھلے لاون دے کوتر سو طریقے، پئی بڑے بڑے اعلی دماغ ایسے کم وچ دن رات لگے رہندے نیں۔کوئی پہلی وار ہوئے تاں بندہ گل وی کرے کہ ہیر ڈریسر کول کم کرن والے کوڈو تیک سب نوں اندازہ ہے۔ہاں، کجھ میڈیائی کھڈاری جان بجھ کے میسنے بن جاندے نیں یا فیر غیر ضروری پھڈیا ں نوں بنیادی مسئلہ بنا کے پیش کر دے نیں۔چونویں سرکاراں کمزور ہون یا فارغ، ہر دو صورتاں وچ فیدہ انہاں دا ہی ہوندا ہے۔کیہہ مشرف دا مقدمہ ایہہ سمجھن لئی کافی نہیں کہ پاکستان وچ کون تگڑا ہے تے کون آزاد ہے؟ جمہوری میثاق اپنی تھاں اک وڈا تھم پر لکونے کڈہن تے مامور اعلی دماغ گنجائشاں کڈہن وچ ماہر۔بھٹو نوں جداں دن دہاڑے قتل کیتا گیا سی تاں لوکاں نوں پتہ سی کہ عدالت دا بٹن کس دے انڈر سی۔وکلا لہر وچ، پر اعلان کیتا گیا کہ بٹن دی پوزیشن بدل دتی گئی ہے۔جنج مشرف ملک توں باہر گیا اوس دے بھار توں عدالت وکھ نہیں کہ پوزیشن بدلن دے دعوے گواچ گوچ گئے۔سوال ایہہ نہیں کہ فیصلہ کیہہ آئے گا سگوں ویکھنا ایہہ ہے کہ اساں ماضی توں سبق سکھیا ہے یا نہیں۔ریاست چلاون یا وگاڑن دے لکویں بٹن چونویں سرکاراں توں کڈے دور نیں ایس دا کجھاندازہ ڈان لیکس تے کجھ لوڈ شیڈنگ توں ہو جاندا ہے۔لوڈ شیڈنگ دا ’’بٹن‘‘ کس دے ’’انڈر‘‘ ہے؟ملک داوزیراعظم پچھدا ہے بجلی کیوں نہیں دے رہے؟ بجلی تے پانی دا وزیر، جیہڑا دفاعی وزیر وی ہے محکمے نوں پچھدا ہے پر جواب کوئی نہیں۔ملک دا اک وڈا تجزیہ نگار آکھدا ہے نہ صدر زداری دی کسے سنی سی نہ وزیراعظم دی کوئی سنے گا۔کیہہ مسلہ شارٹ فال دا ہے یا فیر لوڈ شیڈنگ دا ’’بٹن‘‘ کتھے ہور لگا ہے۔مشرف دے اخیری دناں وچ وی بہوں سارے بندے لوڈشیڈنگ دا بٹن لبھدے پورے ہو گئے سن۔پچھلے ترے سالاں توں شارٹ فال قابو وچ سی پر یکدم ودھ گیا۔شارٹ فال بعدوں فیصلے دی گھڑی دا اعلان ویریاں ہتھ دو دو چوپڑیاں پھڑا گیا۔بٹناں توں یاد آیا کہ پاکستان نوں سعودی اتحاد وچ واڑن دا بٹن کس کول سی ایس بارے تے وزیراں مشیراں نوں وی نہیں پتہ۔لکویں بٹناں توں اڈ چوہے وادھو، جیہڑے اندروں کتردے نیں۔اک وڈا عذاب اوہ ڈونر وی جیہڑے چینی سرمایہ کاریاں توں نک و نک آئے نیں۔انہاں کول کس کس دے،کیہڑے کیہڑے بٹن ایس بارے بس اشارے۔دس، پندر گھنٹیاں بعد کٹی، کٹا نکل آئے گا پر سیاست نوں کوئی روک نہیں سکدا۔ہر دو صورتاں وچ وڈے تے اہم فیصلے سیاسی میداناں وچ ہی ہون گے۔لکویں بٹن ایکسپوز ہو رہے نیں کہ جمہوری سرکاراں لئی ایہہ اک چنگا نتارا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels