Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوبہ خطرے وچ ،وزیر اعلیٰ کھوتے ویچن چین۔ جے کسے مشال دے قاتلاں دی جمائیت کیتی تے کڈھ دواں گا۔ اسفندریار

صوبہ خطرے وچ ،وزیر اعلیٰ کھوتے ویچن چین۔ جے کسے مشال دے قاتلاں دی جمائیت کیتی تے کڈھ دواں گا۔ اسفندریار

وچار ڈیسک
April 18th, 2017

ہر پارٹی تے ہر ادارے وچ ات گرداں تے انتہا پسنداں دے پچھلگ موجود کہ اپنی اپنی صفائی کرن لئی اپنے اپنے اندر ہر پارٹی تے ادارے نوں جھات مارن دی لوڑ ہے۔عوامی نیشنل پارٹی دے مرکزی صدر بلاآخر بول ہی پئے۔ جداں لیڈر نوں جلسہ عام وچ بولنا پئے تاں سمجھ لو اندر کچھڑی پک رہی ہے۔اسفندیار پرانے سیاسی نیں تاں مارے ایس نوں نبڑنا جاندے نیں۔صوفی مشال دی شہیدی وچ اے این پی دے اک مردانی لیڈر اجمل معیار دا ناں آرہیا ہے۔ اوس پاروں ہی ہورے، اسفندریار ایس مسئلہ تے جلد بیان نہ دے سکے سن۔ نو شہرے وچ جلسہ نال گل بات کردے انہاں اندر دی گل کر چھڈی اتے جلسہ عام وچ آکھیا جے اے این پی دا کوئی کارکن، مشال کیس دے کسی ملزماں نوں بچاون دی کوشش کرے گا تے اوس نوں پارٹی توں کڈھ ماراں گے۔ اج ساریاں سیاسی جماعتاں نوں اجہے سٹینڈ دی لوڑ ہے۔ تحریک انصاف مردان دا لیڈر اتے کونسلر عارف وی ایس وچ ملوث پایا گیا ہے اتے ہلے تیک مفرور ہے۔ ایہہ تاثر عام ہے کہ کیونجے صوبے وچ تحریک انصاف دی حکومت ہے تاں مارے پلس عارف نوں پھڑن وچ ناکام ہے۔ نو شہرے دے جلسے وچ گل بات کرن والیاں ایس گل نال اتفاق کیتا پئی اج معاشرے وچ برداشت گھٹ ہوندی جارہی ہے۔ اسفندریار ولی خان پاکستان تے افغانستان وچ گل بات نوں اک چنگا قدم آکھیا۔ اے این پی دے میاں افتخار حسین آکھیا کہ عمران خان سابق آرمی چیف دے وی حامی بن کے انہاں نوں پھسایا سی اتے ہن وی اوہ ایہو کوشش موجودہ چیف نال کررہے نیں۔اسفندیار آکھیا کہ صوبے وچ حالات خراب نیں، پر کس نوں دسیے؟ صوبے داوزیر اعلی تے اپنے دو وزیراں نال کھوتے ویچن چین گیا ہویا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels