Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوفی مشال کیس: کیہہ ریاست مذہب نوں استعمال کرن دے بیانیے توں ہٹے گی؟

صوفی مشال کیس: کیہہ ریاست مذہب نوں استعمال کرن دے بیانیے توں ہٹے گی؟

وچار ڈیسک
April 18th, 2017

وجاہت دا اعترافی بیان،توہین رسالتؐ ہو ئی ہی نہیں۔آئی جی غلط الزام لاون والیاں وڈا گناہ کیتا:امام کعبہ،پھڑیچے بندیاں دی سیاسی شناخت دسن توں پلس انکاری کیوں؟ کونسلر کیوں نہیں پھڑیا گیا؟
وجاہت دے اعترافی بیان بعد صوفی مشال دے کیس نوں اک ہور ٹرن دتا جا سکدا ہے۔اوس سارا الزام یونیورسٹی انتظامیہ تے لایا ہے۔کیہہ اوہ کسی نوں بچارہیا ہے؟ وجاہت نوں مرکزی ملزم کنج قرار دتا گیا۔صوفی مشال خان کیس بارے گل کردے ہوئے خیبر پختونخواہ دے آئی جی پلس صلاح الدین خان محسود آکھیا ہے پئی ایس مقدمے وچ طالبعلم مشال خان دے حوالے نال توہین مذہب دے حوالے نال کوئی ثبوت نہیں ملے۔انہاں دسیا کہ مشال دے سجن عبداللہ دا بیان وی ریکارڈ کروا لتا گیا ہے۔مشال خان نوں اپنی صفائی وچ بولن تو پہلے ای مار دتا گیا سی۔ جدوں آئی جی نوں پچھیا گیاکہ پھڑیچے ملزماں دی سیاسی شناختاں دسو تے اوجواب گول کر گئے۔انہاں دسیا کے پلس نوں جدوں سدیا گیا تے اوہ آگئی سی تے ایہہ ڈپٹی سپریٹنڈنٹ حیدر خان ہی سی جس اپنی جان دی پرواہ نہ کردے ہوئے مشال دی لاش نوں اپنے قابو کیتا سی۔ یونیورسٹی والیاں 50توں 60سابق اہلکار اپنی سیکیورٹی لئی بھرتی کیتے ہوئے نیں اتے وجاہت دے بیان وچ سیکورٹی انچارج بلال بارے وی گل کیتی گئی ہے۔سیکورٹی والیاں دی تفتیش کون کر سی؟پلس چیف دسیا کہ اساں ایف آئی اے توں وی مدد لے رہے ہاں۔ہن تیک 22ملزم پھڑیچے گئے نیں پر انہاں دے پورے کوئف میڈیا نوں دسے نہیں گئے۔ہاسٹل دے کےئر ٹیکر رحمن دا بیان ہے کہ جداں پلس آئی تے مشال زندہ سی پر پلس ہاسٹل ول نہ گئی۔ مردان پلس دے چیف محمد عالم شنواری ایس توں انکاری نیں ا تے انہاں دسیاجدوں اسی پہنچے تے مشال مر چکیا سی تے ہجوم اوس دی لاش نوں اگ لان دی کوشش کر رہیا سی تے پلس ہی لاش نوں مزید بے حرمتی توں بچایا۔دوجے پاسے اج میڈیا تے امام کعبہ شیخ صالح بن محمد بن ابراہیم دا بیان چل ریہا اے جنہان آکھیا اے کہ پئی غلط الزام لاون والا وڈا گناہگار ہوندا ہے۔ جیہڑے جان بجھ کے ناموس رسالتؐ نوں اپنے مفاداں پاروں ورتدے نیں اوہ وڈے گناہ دے مرتکب ہوندے نیں۔ انہاں اے وی اکھیا کہ اک پاسے ان پڑھ تے دوجے پاسے مفاد پرست ٹولہ اجئی حرکتاں کردا ہے پر جنہاں مشال نوں ماریا، فیر لاش دی بے حرمتی کیتی اوہ تے پڑھے لکھے لوک سن ؟ سوال تعلیم یافتہ یا ان پڑھ دا نہیں سگوں اک مائینڈ سیٹ دا ہے ۔اوہ مائینڈ سیٹ ہی کیوں پیدا کیتا، اس بارے جانن نال ہی تساں اوس مائینڈ سیٹ نوں مکاون دی گل کر سکدے اوہ۔
Further News
http://www.wichaar.com/news/117/ARTICLE/32785/2017-04-17.html

http://www.wichaar.com/news/117/ARTICLE/32781/2017-04-16.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels