Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لہور:ترے روزہ پہلا بے نظیر لٹریری میلہ شروع

لہور:ترے روزہ پہلا بے نظیر لٹریری میلہ شروع

وچار ڈیسک
April 17th, 2017

مال روٖڈ دے الحمرا ہال وچ اج توں19 اپریل تیک پہلا بے نظیر بھٹو لٹریری فیسٹیول شروع ہو رہیا ہے۔ایہہ میلہ پاکستان پیپلز پارٹی نوں اوس صوبے وچ مڑ کھڑا کرن دی کوششاں دی اک لڑی ہے جس وچ ایہہ پارٹی نہ صرف جمی سی سگوں ایس صوبے دی وجہ توں ہی ذوالفقار علی بھٹو پاکستان دے وزیراعظم بنے سن۔ایہہ ادبی میلہ ہال نمبر ون وچ ہو سی اتے ایس وچ پی پی پی دے چیئرمین بلاول بھٹو رلت کرن گے۔برٹش لکھاری اتے ملٹری تریخ دی ماہر وکٹوریہ سکافیلڈ وی ایس میلے وچ رلت لئی آکسفورڈ توں آئیاں نیں۔ ایہہ اوہی لکھاری ہے جس دی بھٹو ٹرائل تے لکھی کتاب1979 وچ ہی آگئی سی۔انہاں توں اڈ، شیری رحمن، عاصمہ جہانگیر،وسعت اللہ خان،حسن جعفر زیدی،شاہد محمود ندیم،اصغر ندیم سید،صبا حمید،سرمد کھوسٹ،منزا ہاشمی،منو بھائی، مہدی حسن،جعفر احمد، نفیسہ شاہ،اعتزازاحسن،اسلم گرداس پوری وغیرہ گل بات ٹورن گے۔میلہ سویرے دس وجے توں شامی چھ وجے تیک جاری رہے گا۔لہور وچ ہون والے ایس میلے وچ پنجابی دا کڈاحصہ ہے ایس بارے وی پتہ چل جا سی۔تھلے دتے فیس بک لنک تے ایس میلے بارے اپ ڈیٹ پڑھو
https://www.facebook.com/benazeerliteraryfestival/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels