Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوفی مشعال خان کیس: لوک اگے پر سول ملٹری قیادت تے ریاست پچھے؟ کیہہ ریاست کجھ کرے گی؟

صوفی مشعال خان کیس: لوک اگے پر سول ملٹری قیادت تے ریاست پچھے؟ کیہہ ریاست کجھ کرے گی؟

April 15th, 2017

اوہ مشعال دی آواز نوں دباون آئے سن، انہاں اوس نوں قتل کر چھڈیا پر اج پورا پاکستان مشعال نوں جاندا ہے۔خلق دی زبان نوں خدائی نقارہ سمجھن والے جاندے نیں کہ وقوعہ ہون دے پہلے دس گھنٹیاں وچ ریاست ،حکومتاں،ادارے تے سیاستدان خموش سن پر سوشل میڈیا تے نقارہ بربر وجدا رہیا، ویڈیو وی آئی تے مشعال دیاں سوہنیاں من موہنیاں گلاں وی پوسٹ ہوندیاں رہیاں۔چند گھنٹیاں وچ مشعال نال پیار کرن والیاں دی گنتری وادھو ہو گئی۔میڈیا دے اک حصہ نے وی لوکاں نال سانجھ کیتی۔اج خبر آئی ہے کہ یونیورسٹی ایڈمنسٹریشن مشعال دے خلاف سی کیونجے اوس کسی چینل تے یونیورسٹی دے گھاٹیاں بارے گل کیتی سی۔اوس وائس چانسلر نہ ہون دی وی گل کیتی سی۔یونیورسٹی والیاں ترے منڈیاں خلاف نوٹیفکیشن کڈیا سی کہ انہاں وچوں مشعال تے رہیا ہی نہیں، عبداللہ زخمی ہے اتے زبیر بارے کجھ پتہ نہیں۔اک وقوعے دی دو ایف آئی آراں کیوں؟ جے20 بندے سی سی ٹی وی کیمریاں توں نظر آچکے نیں تے پھڑیچے بندے تے نرے اٹھ کیوں؟ پھڑیچیا تحصیل ناظم کون ہے؟ کیہ اوہ باہروں بندے لیایا سی؟سوال وادھو پر جواب کوئی نہ کیونجے جواب تے ریاست دینا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels