Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستانی آرٹسٹاں تے کوئی بین نہیں۔ پاکستان آنا چاہندا ہاں۔امریندر سنگھ وزیر اعلیٰ بھارتی پنجاب

پاکستانی آرٹسٹاں تے کوئی بین نہیں۔ پاکستان آنا چاہندا ہاں۔امریندر سنگھ وزیر اعلیٰ بھارتی پنجاب

وچار ڈیسک
April 14th, 2017

بھارت دی ریاست پنجاب دے وزیر اعلیٰ دا اک بیان ہندوستان ٹائمز چھاپیا ہے۔ انہاں آکھیا کہ پابندی دے باجود میری ایہہ خاہش ہے پئی پاکستان آرٹسٹ پنجاب آون۔ اوہ کانگرس دے وزیر اعلیٰ نیں اتے انہاں کجھ مہینے پہلاں پنجاب وچ بی جے پی تے بادل سرکار نوں ہرایا ہے۔ انہاں آکھیا پئی میری خاہش ہے کہ میں پاکستان دا دورہ کراں۔ اج سانوں سرحداں تے خاردار تاراں مکاون تے دوستیاں، یاریاں بناون ول ودھنا چاہیدا ہے۔ جولائی 2016 بعدوں جداں بھارتی فوجیاں کشمیریاں نال بھیڑے سلوک شروع کیتے سن اوس ویلے توں دوناں ملکاں وچ ٹینشن وادھو ہے۔ امریندر سنگھ پہلے بندے نہیں جہناں آرٹسٹاں دے بین خلاف بھارت وچ بیان دتا ہے۔ اوم پوری ہوراں دے بیان سانوں یاد نیں۔ بھارتی اداکار سلمان خان وی آکھ چکے نیں کہ آرٹسٹ ات گرد نہیں ہوندے۔ پاکستان نے وی بھارتی فلماں تے پابندیاں لائی سی پر جنوری 2017 وچ ایہہ پابندیاں مکا دتیاں گیا سن،پر ریڈیو تے ہلے وی جاری نیں۔ ایہہ عجیب پالیسی ہے کہ پاکستان وچ ریڈیو تے بھارتی گانے نہیں سنائے جا سکدے پر فلماں راہیں بھارتی گانے چلاون دی اجازتاں نیں۔ وفاقی انفارمیشن منسٹری اپنی دہری پالیسی بارے جھات پائے؟ امریندر سنگھ پہلے وی پنجاب دے وزیر اعلیٰ رہے نیں اتے اوس دور وچ وی انہاں پنجاب پنجاب ملاقاتاں دا سلسلہ شروع کرکے شہرتاں لتیاں سن۔ ویکھو ہن پاکستانی پنجاب دے وزیر اعلیٰ شہباز شریف امریندر سنگھ نوں کدوں بلاندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels