Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لمز: صوفی ازم تے کھوجی کانفرنس 12 توں 14 اپریل 2017

لمز: صوفی ازم تے کھوجی کانفرنس 12 توں 14 اپریل 2017

وچار ڈیسک
April 12th, 2017

لہور یونیورسٹی آف مینجمنٹ اینڈ سائنز وچ صوفی ازم ترے دناں دی کھوجی کانفرنس شروع۔ ایس کھوجی کانفرنس وچ باہروں کھوجی وی رلت کررہے نیں۔ پہلے دن شامی 6 وجے ڈیوک یونیورسٹی دے بروس لارنس ہوری صوفی ازم بارے گل بات چھیڑن گے۔ اگلے دن سویرے دس وجے پنسلیوینیا یونیورسٹی (امریکہ) دے جمال الیاس ہوری ’’چنگا تے بھیڑا اسلام‘‘ حوالے نال آپدی کھوج اگے رکھن گے۔ ایس توں بعد لہور کالج فار ویمن یونیورسٹی دی سارا عبداللہ گلو بلائزیشن دے حوالے نال صوفی ازم دی اہمتیاں دی گل کرن گیاں ۔اسلام آبادی کھوجی اتے مشہور دانشور پروفیسر اسلم ہوراں دی دھی تنویر انجم قومی بیانیے وچ صوفی ازم دی لوڑ بارے آپدے خیال سامنے رکھن گی۔ وحدت الوجود تے اج دے صوفی ازم بارے لہور کالج فارویمن دی آمنہ واصف گل چھیڑن گی۔ اک سیشن آمنہ یقین (SAOS) شہزاد بشیر (سٹینڈفورڈ یونیورسٹی) نوشین علی (آغا خان یونیورسٹی) وچ ہوسی جس نوں سارا کاظمی چلاسی۔ راتی قوال توں بعد 14 اپریل نوں پہلے سیشن وچ لمز دی لوکاس ویرتھ، گورنمنٹ کالج دی عفت بتول تے ہارون خالد صوفی ازم بارے مختلف حوالیاں نال گل بات کرن گے اتے ایس سیشن نوں عطاالحق قاسمی دے پتر علی عثمان قاسمی چلاون گے۔ ایس بعدوں ہون والا سیشن صوفی ازم وچ اصلاحواں بارے گل بات کرے گا اتے ایس وچ رفیق السلام (گورنمنٹ کالج بہاولپور )، شہاوار کبیریا (جواہر لال نہرو یونیورسٹی) ، شیہبا سعید (آئی بی اے) تے Frieie یونیورسٹی برلن دی سلمہ صدیق رلت کرن گے۔ برلن توں آئی ایہہ پروفیسر دی لکھت دا عنوان ہے ’’آپدی قبرنوں بدلو‘‘ اتے ایس وچ اوہ صوفی اخلاقیات اتے ونڈ بعدوں بنن والے لہوردے پنجابی سینما۔ ساڈے ایتھے اج کل جعلی صوفی کانفرنساں وادھو ہوندیاں نیں اتے انہاں دے ہرکاریاں نوں ذرا اجہی کانفرنساں وچ جاکے رام، رام تے ٹیں ٹیں دا فرق ویکھ لینا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels