Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مردم شماریاں:خیبر پختونخوا دے سکھ احتجاج کرن گے۔ سکھ مسلم اتحاد دا ویری کون؟

مردم شماریاں:خیبر پختونخوا دے سکھ احتجاج کرن گے۔ سکھ مسلم اتحاد دا ویری کون؟

وچار ڈیسک
March 18th, 2017

پشور:مردم شماریاں دے جیہڑے فارم خیبر پی کے وچ بھروائے جارہے نیں انہاں وچ مذہب دے کھانے وچ ’’سکھ مت‘‘ نہیں لکھیا جس توں پتہ چلدا ہے پئی صوبائی سرکار ساڈے کڈی خلاف ہے۔ مردم شماریاں پاروں کیہ سانوں گنتری نوں بد و بدی گھٹ کرن دا منصوبہ بنایا ہویا ہے؟ ایہہ گلاں ردیش سنگھ ہوراں آکھیاں جیہڑے خیبر پختونخوا دے پاکستان مینارٹیز اتحاد دے صدر نیں۔ مردم شماری دے فارم تے ہندو تے مسیحی مذاہب دا ذکر ہے پر ساڈا ناں نہیں۔ ایہہ اک وڈی سازش ہے جس دا ٹیچا پاکستانی سکھاں تے پاکستانی ریاست وچ پاڑ ودھانا ہے۔ اساں ایس مردم شماری دا بائیکاٹ کراں گے۔
شانگلہ توں سکھ برادری دے لیڈر ہرمیت سنگھ وی ایس احتجاج وچ رلتی ہون دا علان کیتا۔ انہاں آکھیا پئی سکھ برادری دی وڈی گنتری خیبر پختونخوا دے ہر ضلع وچ موجود ہے پر سازشی ایس نوں گھٹ کرنا چاہندے نیں۔ کجھ لوکاں نوں سکھاں تے مسلماناں وچ دوستیاں وارا نہیں کھاندیاں۔ ایسے فیصلیاں پاروں سکھ مسلم اتحاد نوں توڑن وچ جیہڑے سہولت کار نیں انہاں خلاف ریاست نوں اگے ودھنا چاہیدا ہے۔ چیتے رہے پئی طالبان دی کاروائیاں بعدوں سکھاں دی وڈی گنتری اج پنڈی، ننکانہ سنے پنجاب دے بہوں ضلعیاں وچ آچکی ہے اتے انہاں نوں وی مردم شماریاں وچ خیبر پختونخوا دے باشندیاں وانگ رجسٹرڈ کروانا لوڑی دا ہے۔ اوہ سب ’’اندرونی مہاجر‘‘ (IDPs) نیں اتے ایس حوالے نال مردم شماریاں کروان والیاں نوں خیال رکھنا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels