Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> چلو ہن گرمیاں بھگتن لئی تیار ہوجاؤ:موسم وی بدل رہیا ہے۔کیہہ تسی وی بدلو گے؟

چلو ہن گرمیاں بھگتن لئی تیار ہوجاؤ:موسم وی بدل رہیا ہے۔کیہہ تسی وی بدلو گے؟

وچار ڈیسک
March 18th, 2017

موسمیاتی محکمے (پاکستان میٹرو لوجیکل ڈیپارٹمنٹ) والیاں دسیا ہے پئی اگلے ہفتے توں گرمیاں آرہیاں نیں۔ میڈیا وچ ڈاکٹر غلام رسول ڈائریکٹر جنرل پی ایم ڈی دسیا ہے پئی 20 مارچ بعدوں درجہ حرارت ودھنا شروع ہوجائے گا۔ پہلے پنجاب تے سندھ دی بہوں تھاواں تے گرمیاں شروع ہوجاون گیاں اتے بعد وچ بلوچستان تے خیبر پی کے دی واری آئے گی۔ اپریل تیک آندے آندے بہار دا موسم مک جاسی۔ امید ہے ایس دوران کجھ تھاواں تے بارش وی ہوئیگی۔ سردیاں چھوٹی ہورئیاں نیں اتے ایس دی وجہ موسمیاتی وٹاندرا (Climate change) ہے۔ پچھلے سال کئی سالاں توں ایہہ ٹرینڈ چل رہیا ہے اتے اساں ایس نوں بربر ویکھ رہے ہاں۔ ایس سال سردیاں جنوری وچ شروع ہوکے فروری دے ادھ وچ مک گیاں۔ فروری وچ بارشاں بہوں گھٹ ہوئیاں۔ اپریل وچ ہی برفاں پھگلناں شروع ہوجاون گیاں اتے ایس نال گرمیاں دا موسم وی آجائے گا۔ سوال نرا نظر رکھن دا نہیں سگوں موسمیاتی وٹاندرے نوں سامنے رکھ کے پالیسیاں بدلن دا ہے۔ اینج جاپدا ہے پئی جداں تیک موسمیاتی وٹاندرے نوں نیشنل ایکشن پلان وچ نہیں پاواں گے ساڈے محکمے تے صوبے کجھ نہیں کرن گے۔ ایس حوالے نال ساڈی یونیورسٹیاں وچ کدوں کم ہوئے گا؟ ایہہ اک وڈا سوال ہے جس دا جواب ایچ ای سی والے وی نہیں دے سکدے۔ چلوجے گرمیاں ودھ رہیاں نیں تے گھٹ و گھٹ شمسی توانائیاں ول ہی پہلاں توں سفر شروع کر دیو۔ پر پہلے توں منصوبے بنانا ساڈا شیوا نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels