Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بلوچستان ہائر ایجوکیشن سیکٹری اغواء: مردم شماری دا پہلا دن

بلوچستان ہائر ایجوکیشن سیکٹری اغواء: مردم شماری دا پہلا دن

وچار ڈیسک
March 15th, 2017

کوئٹہ: بلوچستان ہائر ایجوکیشن سیکٹری عبداللہ جان نوں نا معلوم لوکاں اغواء کرلتا۔ اج مردم شماریاں دا پہلا دن ہے اتے لگدا ہے پئی بہوں ساریاں قوتاں نوں مردم شماری وارا نہیں کھا رہی۔ عبداللہ جان دے پتر محمد عتیق دسیا ہے پئی میرے والد دفتر ول جارہے سن جداں اک چٹی کرولا وٹنر گڈی والیاں انہاں نوں گھر دے نیڑے توں ہی اغواء کرلتا۔ اوہ وحدت کالونی، بریوری روڈ کوئٹہ رہندے نیں۔ اغواء کرن والیاں عبداللہ جان نوں ڈرائیور سنے اغواء کرلتا تے فیر اگے جاکے سبنرل روڈ تے ڈرائیور نوں گڈی توں لادتا اتے آپ نو دو گیارہ ہوگئے۔ میڈیا نوں ایہہ گلاں عبدالرازاق چیمہ ہوراں دسیاں جیہڑے اج کل ڈی آئی جی کوئٹہ نیں۔ وزیر اعلیٰ بلوچستان آئی جی پلس نوں فوری کاروائی کرن اتے رپورٹ دین دا حکمنامہ جاری کیتا ہے۔
اجہے ہائی پروفائل کیس پاروں مردم شماریاں تے حرف آندا ہے جس نوں فوج تے چونویں سرکاراں رل مل کررہیاں نیں۔ ایہہ گل وی میڈیا رپورٹ کیتی پئی منگل دے دن بلوچستان دے ضلع آوران توں ترے استاداں نوں اغواء کرلتا گیا سی جیہڑے مردم شماریاں لئی ادارہ شماریات والیاں دے تربیتی کورس توں واپس آرہے سن۔ ایہہ خبراں کسے وی طراں ایہہ دسدیاں نیں پئی ایس ملک وچ کجھ طاقتاں فوج تے چونویں سرکاراں دے فیصلیاں خلاف ڈٹ سکدیاں نیں؟ ایہہ کون نیں؟ ایسے بارے فوری قدم چکنے چاہیدے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels