Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سقوط ڈھاکہ بعدوں ایبٹ آباد واقعہ دوجی وڈی شرمندگی سی۔اشرف جہانگیر قاضی۔حسین حقانی’’ ان‘‘ ہو گئے

سقوط ڈھاکہ بعدوں ایبٹ آباد واقعہ دوجی وڈی شرمندگی سی۔اشرف جہانگیر قاضی۔حسین حقانی’’ ان‘‘ ہو گئے

وچار ڈیسک
March 14th, 2017

کل توں سارا دن اتے شام نوں مختلف چینلاں اْتے حسین حقانی چھائے رہے اتے انہاں دے چکے سوالاں دا جواب اکثر نہیں ملیا۔اج پاکستان وچ اک وار فیر ایبٹ آباد کمیشن دی یاد تازہ ہو گئی اتے ایس نال حمودالرحمن کمیشن دی رپورٹ جاری نہ کرن ول وی گل ودھ گئی۔ایبٹ آبادکمیشن دے رکن اشرف جہانگیر قاضی نے وقت ٹی وی تے آکھیا پئی کمیشن نے تمام وڈیاں سنے صدر، وزیراعظم تے آرمی چیف نوں ملن لئی وقت منگیا سی پر کسی نال وی ملاقات نہ ہو سکی۔سقوط ڈھاکہ بعدوں ایبٹ آباد وقوعہ پاکستان لئی دوجی وڈی شرمندگی سی۔حسین حقانی آکھیا میں سمجھدا ہاں پئی پاکستانی ریاست تے حکومت نوں اسامہ خلاف ہون والے آپریشن بارے کجھ پتہ نہیں سی۔جداں میں ویزے جاری کیتے تے ہر ویزے تے ڈیفنس اتاشی دے دستخط سن اتے اوہ اک برگیڈئیر سی۔ ہن فرحت اللہ بابر وی اک ہورچینل تے ایہو گل کیتی ہے پئی ویزے طریقہ کارموجب دتے گئے سن اتے کسی ادارے نے اعتراض نہیں کیتا سی۔ائیرمارشل (ر)شاہد لطیف نے اک ہور چینل تے آکھیا پئی جے حسین حقانی مجرم سی تے عدالت فیصلے توں پندرہ دن پہلے اوس نوں ملکوں باہر کیوں جاون دتا سی؟سفارتخانے دے عملہ وچوں ذمہ واراں نوں کیوں عدالت نہیں سدیاگیا سی۔ایہہ گل میڈیا تے آکھی گئی پئی ایبٹ آباد رپورٹ پبلک کرنی لوڑی دی ہے۔گھٹ وگھٹ اجہیاں رپورٹاں نوں پارلیمنٹ دے ان کیمرہ سیشناں وچ تے سامنے لیانا چاہیدہ ہے۔ایہہ وی آکھیا گیا کہ حقانی ہوراں دا آرٹیکل تے امریکیاں لئی سی پر کیونجے ایس وچ وڈا حوالہ اسامہ بن لادن تے سی آئی اے دے بندیاں بارے سی تاں مارے ایس پاروں پاکستان وچ ایس تے بحثاں جاری رہیاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels