Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پیو موبائل کھو لتا تے 18سالہ منڈے خودکشی کر لتی۔ہری پور ہزارہ وچ خودکشیاں

پیو موبائل کھو لتا تے 18سالہ منڈے خودکشی کر لتی۔ہری پور ہزارہ وچ خودکشیاں

وچار ڈیسک
March 12th, 2017

عقیل احمد دی عمر اٹھارہ ورہے سی اتے اوس نیں ہلے دنیا دی کڈیاں ہی بہاراں ویکھنیاں سن۔اوہ ہری پور دا وسنیک سی ۔اوس دے ٹیچر نوں شکائیت سی پئی اوہ ہر ویلے موبائل وچ وڑیا رہندا ہے۔پرائیوٹ کالج وچ پڑھن والے عقیل نوں اوس دے استاد بڑی وار موبائل ورتن تے سزا وی دتی سی پر اوس نوں موبائل نال ہورے بہوں پیار سی کہ اوہ مڑدا ہی نہیں سی۔اک دیہاڑ استاد نے اوس دے پیو علی زمان نوں ایس دی شکائیت لائی۔اوس آکھیا پئی تسی ایس نوں موبائل ورتن توں ڈکو۔ علی زمان الولی پنڈ دا رہن والا سی اتے اوس ٹیچر دی گل نوں حکم منیا۔ زمان ہوراں منڈے کولوں موبائل لے لتا تے منڈے نوں بہوں بھیڑا لگیا۔ہورے اوہ کملا ایس نوں دل تے لے گیا۔جمعے دی رات نوں عقیل نے چوہے مار دوائی کھا لتی۔ گھر والیاں نوں پتہ چلیا تے پکار پئے گئی۔ منڈے نوں پہلاں ہری پور دے ٹیچنگ ہسپتال لیجایا گیا تے فیر ایبٹ آباد دے ایوب ہسپتال لیجایا گیا۔ پر منڈا بچ نہ سکیا۔کجھ مہینے پہلاں وی ہری پور توں نوجواناں دی خودکشیاں بارے خبراں آئیاں سن۔اک25سالہ کڑی نائمہ کوئی کیمیکل کھا کے مر گئی سی۔ اوہ ’’دوبندی‘‘ پنڈ رہندی سی اتے ا ک دن جداں اوہ دوپہری کھانا کھاون وی نہ آئی تے کمرے وچ بند رہی تاں اوس دے خصم دروازہ توڑیا ۔پتہ چلیا اوہ نیم بے ہوش سی۔ اوس نوں ہسپتال لیجایا گیا پر اوہ مر گئی۔اینج ہی ہری پور وچ محلہ قتیل شفائی دے 28سالہ عدنان پکھے نال لٹک کے خودکشی کر لتی سی۔پنڈاک یونین کونسل وچ موجود ریلوے کراسنگ تے اک 17سالہ کڑی ناہید بی بی چلدی ٹرین اگے چھال لا کے مر گئی۔ایس بارے حاکماں نوں غور کرنا چاہیدا ہے پئی ایہہ خودکشیاں کیوں ودھ ہو رہیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels