Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سعید غنی پھٹ پئے: ایم کیو ایم کراچی کنج تباہ کیتا

سعید غنی پھٹ پئے: ایم کیو ایم کراچی کنج تباہ کیتا

وچار ڈیسک
March 12th, 2017

پاکستان پیپلز پارٹی اخیر اوہ گل آکھ دتی جو اوہ اک عرصہ توں گھٹی بیٹھی سی۔ایہہ اوہ حقیقت ہے جس دا پتہ تے ہر پاکستانی نوں ہے پر سب ایہہ وی جاندے نیں پئی ایس جماعت نوں کس بنایا سی اتے کون ایس نوں پالدا رہیا۔کراچی دے اْردو بولن والے تے ایس پاروں دہری اوکڑ وچ رہے۔ڈھپے بھائی لوک لاندے سن تے اوہ بڑی ہشیاریاں نال گالاں دا رخ کراچی والیاں ول موڑ دیندے سن۔اخیر اک کراچی دے اْردو بولن والے ہی نے انہاں نوں جواب دتا۔ہن ایم کیو ایم والے نہ تے کسے سندھی تے الزام لا سکدے نیں تے نہ ہی کسی پنجابی نوں رگید سکدے نیں کیونجے ایہہ گل اندر دے بندے کیتی ہے۔ اوس بندے جس تے کرپشن دا الزام وی نہیں۔ویسے تے رضا ربانی اتے سعید غنی کراچی ہی نہیں سگوں پورے ملک وچ پی پی پی دی ستھری پہچھان نیں۔ انہاں اج آکھیا ہے پئی ایم کیو ایم کوئی پارک تے نالہ وی نہیں چھڈیا اتے ہی سرکاری زمین تے قبضے کیتے۔گجر نالے تے قبضے کس دے دور وچ ہوئے؟ اساں تے اوہ قبضے چھڈائے سن۔بلدیاتی اداریاں وچ گھوسٹ ملازم بھرتی کرائے گئے اتے فیر اوہ بھائی دی اک کال تے کسی وی متھی تھاں تے حاضر ہو جاندے سن۔سینیٹر سعید غنی اج اک ایسے پروگرام وچ رلتی سن جس وچ پی ٹی آئی تے ایم کیو ایم سنے دوجیاں جماعتاں توں پی پی پی وچ شامل ہون والے سیاسی بندے رلتی سن۔کراچی دے مئیر وسیم اختر دے بیان دا جواب دیندے ہوئے انہاں آکھیا عدم مرکزیت پاروں سکول، ہسپتال تے صفائی دا بندوبست کے ایم سی(کراچی میونسپل کمیٹی) دی تھاں ڈسٹرکٹ میونسپل کمیٹیاں(ڈی ایم سیز) کول ہے اتے اوہ مئیر دے انڈر نیں۔ایم کیو ایم دا پرانا وطیرہے پئی ایڈا جھوٹ بولو کہ سچ بن جائے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels