Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مذہبی عالم ات گردیاں تے نفرتاں پھیلاون خلاف کھلون،وزیراعظم۔ پر نصابی کتاباں نوں کون ٹھیک کر سی؟

مذہبی عالم ات گردیاں تے نفرتاں پھیلاون خلاف کھلون،وزیراعظم۔ پر نصابی کتاباں نوں کون ٹھیک کر سی؟

وچار ڈیسک
March 11th, 2017

لہور:جامعہ نعمیہ وچ گل بات کردے ہوئے وزیراعظم پاکستان میاں نواز شریف ہوراں ات گردیاں اتے نفرتاں پھیلاون خلاف مہماں وچ مذہبی دانشوراں نوں اپنی ذمہ واریاں یاد کروائیاں۔ انہاں چیتے کرایا پئی اج چونویں سرکار، سیاستدان، فوج تے پلس رل مل کے ات گردیاں تے انتہا پسندیاں خلاف کم کررہے نیں۔ اج اجہے مذہبی لیڈراں تے دانشوراں دی لوڑ ہے جیہڑے ایس کم وچ ریاست دے نال ملن۔ اج مسلمان عالماں نوں ثابت کرنا پئے گا پئی اسلام سلامتی تے امن دا دھرم ہے۔ ایس وچ مدرسیاں دا بڑا کردار ہے تانجے نفرتاں پھیلاون دا سلسلہ روکیا جائے۔ مذہبی تے فرقہ وارانہ اختلاف تے پہلے وی ہوندے سن پر اینج ماڑ، دھاڑ تے قتلام نہیں ہوندا سی جو اک عرصہ توں پاکستان تے دوجے ملکاں وچ ہورہیا ہے۔ اج اسی مذہب، فرقہ تے زباناں وچ ونڈے ہوئے ہاں اتے ایس نال نہ تے پاکستان وچ امن آسکتا ہے نہ ہی اسلام دی خدمت ہوسکدی ہے۔ مسیتاں نوں امن لئی کردار ادا کرنا ہوسی۔ مکتبہ فکر دی بنیاد تے لڑائیاں مارکٹایاں کرنااک کوڑ کم ہے اتے ایس نوں مکانا لوڑی دا ہے۔ایہہ گلاں سب ٹھیک پر وزیراعظم ایس دے نال نال پنجاب، سندھ، بلوچستان تے خیبر پی کے وچ نصابی کتابا ں ٹھیک کروان لئی پارلیمنٹ نوں اک صفحہ تے لیاون کیونجے سکولاں وچوں انتہاپسندیاں دے حمائیتی پیدا نہ ہون۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels