Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جتھے لطیف ہوئے اوس پروگرام وچ پی ٹی آئی والے نہ جاون: عمران خان

جتھے لطیف ہوئے اوس پروگرام وچ پی ٹی آئی والے نہ جاون: عمران خان

وچار ڈیسک
March 11th, 2017

تحریک انصاف دے چیئرمین اپنے تازہ بیان وچ اپنی پارٹی دے بندیاں نوں آکھیا ہے پئی جس وی پروگرام وچ جاوید لطیف ہوئے اوس وچ اوہ نہ جاون۔ لگدا ہے کل رات نوں ہون والے کیپٹل ٹاک توں بعد ایہہ فیصلہ ہویا ہے جس وچ ایہہ سٹا کڈھیا گیا سی پئی مکا مارنا وی غلط سی اتے جاوید لطیف دے مراد سعید دی بہناں متعلق ریمارکس وی گھٹیا سن۔ ایس پروگرام وچ پی ٹی آئی دے محمد علی خان وی بیٹھے سن۔ پر مسلہ اوس ویلے خراب ہویا سی جداں عمران خان لیڈر دا کردار ادا کرن دی تھاں اک دھڑے دے حمایتی بن گئے۔ پر انہاں دا اج دابیان زیادہ بہتر ہے پئی اوہ جاوید لطیف دا بائیکاٹ کرن۔ جاوید لطیف وی اپنی غلطی دا احساس ہویا ہے ۔ساڈے اسمبلی دے ممبر ایہہ گل بھل جاندے نیں پئی ایہہ میڈیا دا دور ہے اتے کوئی گل لک نہیں سکدی۔ جاوید لطیف نوں مکا ماردے ہوئے وی سب ویکھیا تے جاوید لطیف ولوں مراد دے گھر والیاں بارے گھٹیا گلاں کردے وی سب ویکھیا۔ عمران خان مہذب سوسائٹی دا ذکر کیتا تے اوس مہذب سوسائٹی وچ ہتھی وی کوئی نہیں پیندا اتے گلاں وی کوئی نہیں کردا۔پر خان جی ہورے کیوں انصاف نہیں کر سکے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels