Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فوجی عدالتاں دا ’’گھما‘‘:کون کس نال کھیڈ رہیا ہے؟بل اسمبلی وچ

فوجی عدالتاں دا ’’گھما‘‘:کون کس نال کھیڈ رہیا ہے؟بل اسمبلی وچ

وچار ڈیسک
March 10th, 2017

پیپلز پارٹی اک سال لئی ااجہی عدالتاں نوں برداشت کرن تے راضی ہے پر ایس نوں زیادہ ’’سول‘‘ بنان دی گل وی کردی ہے اتے عدلیہ نوں زیادہ کردار دین دی حمائیتی ہے۔ تحریک انصاف اپنی پرانے گلاں نوں بھل چکی ہے اتے اوہی آکھ رہی ہے جس خلاف گلاں کردی رہی سی۔ حکومت پہلاں ہی ایہو آکھ رہی سی پر اوہ تصفیہہ نال 28ویں ترمیم لیانا چاہندی ہے۔ اج ایس بل دا مسودہ اسمبلی وچ آگیا ہے۔ شیریں مزاری تے آپ بہوں سارے سوال چک چکی ہے؟فوجی عدالتاں نے دوسال وچ کیہ کم کیتا اتے انہاں دی دتیاں سزاواں وچ کیہڑے گھاٹے سن پئی انہاں تے عمل ہی نہ ہوسکیا، ایہہ اوہ سوال ہے جس نوں اسمبلی ممبراں تون اڈوکیلاں دی انجمناں ولی چکدیاں رہیاں نیں۔ سول سوسائٹی خموش ہے اتے میڈیا ہمش وانگ ونڈیا ہویا ہے۔ اج پی پی پی دے سینیٹر فرحت اللہ بابر دسیا پئی اساں صدر ذرداری ہوراں دی دتیاں تجویزاں تے کھلوتے ہاں۔ اج اسمبلی وچ وی پی پی پی دی رکن غذرا افضل سپیکر نوں پی پی پی دی تجویزاں بارے چیتے کروایا۔فضل الرحمن تے پہلاں وی خلاف سن اتے اج وی خلاف نیں پر اوہ پی پی پی دی بلائی آل پارٹی کانفرنس توں وی واک آؤٹ کرگئے سن۔ تحریک انصاف دے موقف بدلن نال ہن حکومت نویں ترمیم لیا سکدی ہے یا نہیں؟ ہورے ایس پریشر نوں ودھاون لئی کل اک وار فیر ’’ڈان لیکس‘‘ دی گل نوں چھیڑیا گیا ہے۔ فوجی عدالتاں دا مسئلہ اج دا نہیں سگوں ہمیش توں متنازعہ ہے۔ انہاں عدالتاں نوں سیاسی تے غیر سیاسی ویریاں نوں فکس کرن لئی ورتیا جاندا رہیا ہے۔ ایس تے بحثاں ہونا کوئی ایڈا غلط نہیں۔ جے ایس تے سیاسی تصفیہہ آئے گا تے ایس نال انہاں عدالتاں نوں زیادہ ’’ٹیک‘‘ ملے گی۔ پی پی پی دی ایس بارے اک ’’پکی‘‘ پوزیشن ہے۔ انہاں دوسال پہلے وی مجبوری وچ ووٹ دتا سی۔ رضا ربانی دی تقریر سب نوں یاد ہے۔ جے تصفیہہ نہ ہویا تے کل نوں ایہہ نویں ترمیم عدالت وچ چیلنج ہوسکدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels