Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عمران خان وی 62, 63دے ’’دیوانے‘‘ نکلے۔آکسفورڈ نشتہ

عمران خان وی 62, 63دے ’’دیوانے‘‘ نکلے۔آکسفورڈ نشتہ

وچار ڈیسک
March 9th, 2017

اک پاسے اوہ ملکوں باہر بیٹھے اتے ملکہ دا حلف چکن والیاں نوں وی’’اسمبلی دا ممبر‘‘ بناونا چاہندے نیں تے دوجے پاسے اوہ آئین دی ضیاالحقی ترمیماں یعنی62اتے63تے عملدرآمد دے خاشمند نیں۔ اپنی ایس تازی خاہش بارے تحریک انصاف دے چیئرمین تے پاکستان دی تریجی وڈی پارٹی دے لیڈرعمران خان نیں آپ ہی دسیا ہے۔حلانکہ عدالتاں انہاں شقاں بارے بہوں کجھ دس چکیاں نیں پر جداں تیک آئین وچ اجہی شقاں موجود نیں منہ وچ پانی تے آندا ہی رہے گا۔انہاں دا ایہہ بیان تے پچھلے دناں آیا سی پر ہن اوہ دھاندلیاں تے پانامے توں فارغ تھی کے ملکوں باہر بیٹھے پاکستانیاں نوں ووٹ دا حق دوان لئی ٹر پئے نیں۔ملکوں باہر بیٹھے پاکستانیاں نوں پہلاں ووٹ دا حق مل سی تے اگلے مرحلے تے انہاں نوں اسمبلیاں دا ممبر بنن دی گل ٹوری جائے گی۔جہیڑے پاکستانی اپنی شہریتاں چھڈ چکے نیں یا انہاں کسے ہورملک دی حفاظت دا حلف چکیا ہے انہاں دا ماملہ ذرا ٹیڑھا ہے۔ البتہ جنہاں کول نری پاکستان دی شہریتان نیں انہاں نوں تے ووٹ دا حق ملنا لوڑی دا ہے۔پر کجھ لوک تے ایہہ مہم چک ہی تاں مارے رہے نیں کہ دہری شہریتاں والیاں نوں ایہہ حق ملے۔ایس ماملے تے ایم کیو ایم دے تنوں دھڑے تے خان ہوری اک صفحہ تے نیں۔ہوسکدا ہے کل نوں ایم کیو ایم وی خان ہوراں نال رل کے 62 تے 63 دی حمائیتاں وی شروع کر دے۔’’لندنی اتحاد‘‘ بنن وچ زیادہ دیر نہیں لگے گی۔کتھے ایہہ باٹھ، ترینٹھ دا کھما وی لندن توں تے نہیں آیا؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels