Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مردم شماری رکوان دی ایم کیو ایمی کوششاں! مسلہ کیہ ہے؟

مردم شماری رکوان دی ایم کیو ایمی کوششاں! مسلہ کیہ ہے؟

وچار ڈیسک
March 6th, 2017

جے مردم شماری پرویز مشرف کروارہیا ہوندا تاں ایم کیو ایم نوں کدی اعتراض نہیں ہونا سی۔ سندھ دی چونویں سرکار توں ایم کیو ایم کیوں کھار کھاندی ہے ایس بارے سب جاندے نیں۔ خبراں موجب ایم کیو ایم مردم شماری رکوان لئی ہن سپریم کورٹ وچ ٹرگئی ہے۔ مساں مساں کرکے 18 سال بعد مردم شماری ہون لگی ہے پر ایم کیو ایم گاندھی وانگ اڑچلاں پاون توں باز نہیں آئی۔ جداں مشرف نے اپنی مرضی دے حلقے ایم کیو ایم نوں بناون دتے سن اوس ویلے سب چنگا سی؟ اج اوہ آکھ رہے نیں پئی کیونجے ایہہ مردم شماری کراچی توں شروع کررہے نیں تاں مارے انہاں دی نیت ہی ٹھیک نہیں۔ مسئلہ تے نہ ہی کراچی دا ہے اتے نہ ہی شہراں دا، سگوں مسئلہ تے ایم کیو ایم دی حاکمیتاں دا ہے۔ جے ایم کیو ایم اقتدار وچ نہیں ہوئے گی تاں مردم شماری وی غلط ،تے حلقے بنانا وی غلط۔ انہاں نوں ڈر ہے پئی جیہڑے جھوٹے دعوٰے اوہ کراچی دی آبادی نوں ودھاون دے حوالیاں نال اوہ خود تے اپنے میڈیائی دانشواراں راہیں کردے رہے نیں اوہ ایکسپوز ہوجاسی۔ انہاں نوں ایہہ وی ڈر ہے پئی کراچی وچ آئے دوجی قومیتاں دے لوکاں دا تناسب جے سب نوں پتہ چل گیا تے ایم کیو ایمی ’’گھما‘‘ آپ فارغ تھی جاسی۔ جنج طالبان اسلام وی آڑاں لیندے نیں، فاروق ستار ہوری کراچی دے اُردو بولن والیاں دی آڑ لیندے نیں۔ نہ تے طالبان اسلام لئی کجھ کردے نیں نہ انہاں اُردو بولن والیاں لئی کجھ کرنا ہے، ایہہ تے بس باقتاں دی سیاستاں وچ آپدا وزن ودھان دی گلاں نیں۔ ایہہ دوناں تے اسلام تے اُردو بولن والیاں نوں بدنام تے تنہاہی کرسکدے نیں۔ مشرف دور وچ انہاں دی ساریاں انگلاں تے گردن ’’کھیو‘‘ وچ سن۔ انہاں اودوں مردم شماریاں نہیں کروایاں۔ انہاں نوں ایہہ خیال 2008 بعدوں آیا تاں جے جمہوری سرکاراں تے پریشر پایا جاسکے۔ اج جداں جمہوری سرکاراں تیار نیں اتے تریخ وی آچکی ہے تے ایہہ لت آڑا رہے نیں۔ ایہہ سب کھیڈ لوک ویکھ رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels