Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کرزئی تے دولت اسلامیہ:اساں ڈیورنڈلین نوں نہیں منیندے

کرزئی تے دولت اسلامیہ:اساں ڈیورنڈلین نوں نہیں منیندے

March 6th, 2017

افغانستان دے پرانے صدر حامد کرزئی اک وار فیر غلط تواریخ بیان کرن دی کوشش کیتی ہے۔ انہاں دا آکھنا سی پئی اساں ڈیورنڈلین نوں نہیں منیندے۔ اوہ پاکستان دے ایس قدم دی مخالفت تے نہیں کرسکے کہ پاکستان 123 سالاں توں جاری ایف سی آر دے قنون نوں فاٹا توں مکاون دا فیصلہ کیتا ہے۔ پر ہن کرزئی ہوری پرانا راگ الاپن نال رانجھا راضی کررہے نیں۔ انہاں نوں یاد ہوسی پئی انہاں دے دور وچ 2015 دے ستمبر دے مہینے امریکی سٹیٹ ڈیپارٹمنٹ دے بلارے جان کربی ہوراں واضح آکھیا سی پئی اساں ڈیورنڈلین نوں افغانستان تے پاکستان وچ باڈر منیندے ہاں۔ امریکی بلارے دا اوس ویلے ایہہ وی آکھنا سی پئی دولت اسلامیہ تے کرزئی ڈیورنڈ لین دے خلاف اکھٹے نیں پر افغانستان وچ بہوں تھڑے ایس جھگڑے نوں مکانا چاہندے نیں۔ اصل سوال تے لوکاں دے آن جان تے فاٹا توں ایف سی آر دا خاتمہ سی اتے ہن ایف سی آر تے مک رہیا ہے اتے عام لوکاں دے آن جان دی گل وی حل ہون ول ودھے گی۔ پر کرزئی ہوری کسی ہور ایجنڈے تے نیں۔ افغان سرکاراں تے ہمیش فاٹا توں ایف سی آر مکاون دی گلاں کردیاں سن۔ ہن پاکستان ایہہ قدم چکیا ہے تے انہاں در وٹیا ہویا ہے۔ جے کرزئی ات گرداں تے سمگلراں پاروں افغانستان تے پاکستان وچ جھیڑیاں نوں رکھنا چاہندے نیں تاں ایہہ اک وکھری گل ہے۔ سوال ایہہ ہے پئی افغان ٹرانسٹ ٹریڈ وچ گھپلے، سمگلنگ اتے ات گردیاں دا خاتمہ پاکستان تے افغانستان سرکاراں رل مل ہی کرسکدیاں نیں۔ جیہڑے لوک انہاں کاروباراں تے پلدے نیں اوہ پاکستان وچ ہون یا افغانستان وچ، انہاں نوں ہن نویں کاروبار لبھنے چاہیدے نیں۔ ذرا غور کرو، جداں اک بھارتی صحافی دے جواب وچ سٹیٹ ڈیپارٹمنٹ دے بلارے ڈیورنڈلین نوں عالمی باڈر آکھیا سی تے اوس نوں چپ لگی گئی سی۔ ایہہ کرزئی، دولت اسلامیہ تے بھارت وچ سانجھ کس گل دی ہے ایس توں تہانوں ساری کہانی لگ پتہ جاندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels