Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> خانانی، کالیا تے کالک:ہیروئن،سی آئی اے ، پاکستانی اشرافیہ تے طالبان۔امریکی رپورٹ

خانانی، کالیا تے کالک:ہیروئن،سی آئی اے ، پاکستانی اشرافیہ تے طالبان۔امریکی رپورٹ

وچار ڈیسک
March 4th, 2017

کیہہ کسی نے افغان جہاد توں پہلاں ’’ہیروئن‘‘ ورگے نشئے دا ناں سنیا سی؟پاکستان وچ جو کجھ اساں1979توں بویا اج اوہ پوری قوم بھگت رہی ہے۔منی لارنڈرنگ تے اوتھے ہی ہوندی ہے جتھے’’غیر قنونی‘‘ رقماں وادھو ہوندیاں نیں۔سویت یونین نوں گرم پانیاں توں ڈکن دی آڑاں وچ ’’ڈرگ منی‘‘ اک وڈا سورس سی اتے ایس رقم نوں ادھر اْدھر کرن وچ مرحوم بی سی سی آئی توں خانانی اینڈ کالیا تک اک وڈا کھیڈ کہ جس وچ وڑ کے اساں اپنے ہر ادارے تے سوسائٹی نوں برباد کیتا۔کراچی دی میمن برادری دے وڈکیاں توں فاٹا تیک پھیلائے ایس کھیڈ وچ کس کس مال کمایا ایہہ کہانی ضیالحقیاں دا وڈا ’’حوالہ‘‘ وی تے ’’حوالہ سسٹم(ہنڈی) دی ہوش ربا داستاں وی جس وچوں طالبانی اسلام، پراپرٹی مافیا،منی لارنڈرنگ تے ایم کیو ایم ورگے کڈے ہی انڈے بچے نکلے اتے پاکستان وچ اک نویں اشرافیہ پیدا ہوئی۔سٹیٹ بینک بول نہیں سکدا سی کیونجے وڈے ایس کم وچ رلتی سن۔9/11کمیشن رپورٹ وچ ات گردیاں تے منی لانڈرنگ بارے اشارے کیتے گئے پر مشرف نے سٹیٹ بینک نوں ایکٹوو نہ ہون دتا۔
امریکی کانگرس وچ پیش کیتی گئی سٹیٹ دیپارٹمنٹ دی تازی امریکی رپورٹ وچ خانانی گروپ دے الطاف خانانی بارے آکھیا گیا ہے پئی ایہہ ارباں ڈالراں دی منی لانڈرنگ وچ رلتی ہے اتے آرگنائز جرائم توں ات گردیاں تیک ہر کم کردے سن۔پر انہاں داظہور1980
دے دہاکے وچ کنج ہویا اتے انہاں دے آف شور سہولت کار کون سن ایس بارے ہلے گل کھلی نہیں۔ نومبر2008وچ پاکستان وچ وی خانانی اینڈ کالیا تے ہتھ پایا گیا پر ایہہ زیادہ اگے نہ جا سکدا سی۔ایہہ نرا ڈرگ تے پراپرٹی تیک نہیں پھیلیا سی سگوں آئی ٹی وچ وی آوڑے سن اتے اشرافیہ راہیں ہر ادارے تیک۔1983وچ کراچی تے کنیڈین شہر مسس ساگا وچ اسارے کالیا گروپ دی ترقیاں دی کہانی پچھلے35سالاں دے پاکستان دی کہانی توں وکھ نہیں کہ جس ’’فساد‘‘ نوں اساں پہاڑاں وچ لبھ رہے ہاں اوس دی جڑاں تھاں تھاں پھیلیاں نیں۔پانامہ، پانامہ کرن دی تھاں اپنے اندر ویکھن دی لوڑ۔رپورٹ وچ دسیا گیا ہے پئی جنوری توں دسمبر2016وچ باہر رہندے پاکستانیاں قنونی طریقیاں نال 20ارب ڈالرپاکستان گھلے۔ پر کدی ایہو رقماں ہنڈیاں نال آندیاں سن اتے سمگلنگ تے ہنڈی اکلے نہیں آندے ،ایہہ سب جاندے نیں۔ کیونجے2011بعدوں سٹیٹ بینک نوں ایکٹوو ہون دتا سی اتے ایس پالیسی تے عمل ہو رہیا ہے تاں مارے ہن قنونی طریقیاں نال رقماں آرہیاں نیں پر ایہہ گل پرانے بنوبست تے پلن والیاں نوں وی پسند نہیں اتے رقماں گھلن والیاں وڈی مچھیاں نوں وی۔تاں مارے تے غیر قنونی طریقیاں نال رقماں گھلن والیاں نویں پارٹیاں ول سرمایہ کاریاں تیز کیتیاں۔خانانی بارے ایہہ گلاں 32ویں عالمی نارکوٹکس کنٹرول رپورٹ وچ نیں جہیڑی امریکی کانگرس وچ پیش کیتی گئی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels