Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فاٹا: 123سال پرانی انگریز پالیسی نوں پہلا دھچکہ۔۔اگے کیہ ہو سی؟

فاٹا: 123سال پرانی انگریز پالیسی نوں پہلا دھچکہ۔۔اگے کیہ ہو سی؟

March 3rd, 2017

برٹش انڈیا دے حاکماں تے انگریزاں دے چنیندے پادشاہ امیر عبدالرحمن جہیڑا ڈیورنڈ لین بندوبست بنایا سی اوس دا ہک وڈا پاوا ’’فاٹا‘‘ سی اتے اج اوس نوں اک وڈی سٹ وجی جے۔پر ایس نوں مکاون وچ پنج سال لگن گے اتے انہاں سالاں وچ کیہ ہو سی ایس بارے ہولے ہولے پتہ چل سی۔ایہہ فاٹا کیوں بنایا سی اتے ایتھوں جسوساں، انقلابیاں، سمگلراں اتے ہر قسم دے نان سٹیٹ ایکٹراں نوں من مانیاں کرن دی گھل کیوں سی؟ایف سی آر دا خاتمہ وڈا کم ہے اتے اج کابینہ ایس دی منظوریاں دے چھڈیاں نیں۔فاٹا وچ سپریم کورٹ تے پشور ہائی کورٹ بننا اک وڈا فیصلہ ہے جس دی منظوریاں دتیاں گیاں نیں۔فاٹانوں پاکستان وچ پورا رلاون بعدوں ڈیورنڈ لین نوں باڈر منن دی گل ہو راگے ودھ گئی ہے۔ایف سی آر نوں رواج سسٹم نال بدلیا گیا جائے گا جس دا پردھان اک جج ہو سی۔ جس نوں رواج سسٹم دے فیصلیاں تے اعتراض ہوئے گا اوہ وڈی عدالتاں وچ جا سکے گا۔پنج سالاں وچ وفاقی سرکار فاٹا دے ماملیاں نوں صوبے دے حوالے کر دین گے۔انہاں تھاواں توں جہیڑی سمگلنگاں ہوندیاں نے اوس دا کیہہ بن سی؟ ایس بارے وی پتہ بعد وچ ہی چلے گا۔ چیتے رہے، بھٹو دا تختہ اودوں الٹایا گیا سی جداں اوہ فاٹا نوں سدا کرن اتے داؤد نال رل کے ڈیورنڈ لین دا کنڈا کھچن دی تیاریاں کر رہے سن۔ بی بی بے نظیر بھٹو وی فاٹا وچ پولیٹکل پارٹی ایکٹ لیانا چاہندے سن۔ہن میاں نواز شریف وی اوسے رستے تے نیں، ویکھو کیہہ ہوندا ہے؟ پتہ چل سی پئی پاکستان وچ انگریز تگڑے نیں یا چونویں سرکاراں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels