Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> میری جداد چھڈ دیو:مشرف دے مقدمے دی تریخ 11 مارچ جے

میری جداد چھڈ دیو:مشرف دے مقدمے دی تریخ 11 مارچ جے

وچار ڈیسک
March 2nd, 2017

مشرف نوں پیش نہ ہون تے عدالتاں اوس دی جداد قابو کیتی سی پر لگدا ہے اوہ وی ہن چھڈ دتی جاسی۔ ہن اک درخاست مشرف دی بیگم صہبا مشرف، دھی عالیہ رضا تے مشرف دی پچھلے عرصہ مر چکی سالی ہماکالیشگی تے دوجے حصہ داراں ولوں عدالتاں وچ آئی ہے۔ 19 جولائی 2016 نوں عدالتاں ولوں جسٹس طاہرہ صفدر، جسٹس یاورعلی تے پشور ہائی کورٹ دے اوس ویلے دے چیف جسٹس مظہر عالم میاں خیل مشرف دی منقولہ تے غیر متقولہ جداداں نوں کرک کرن دا حکم دتا سی۔ ہن جسٹس میاں خیل ہوری سپریم کورٹ چلے گئے نیں تے ایس مقدمہ نوں نویں چیف جسٹس پشور ہائی کورٹ یحیٰ آفریدی سنن گے، مقدمے دی تریخ گیارہ مارچ ہے۔ مشرف دے وکیل فیصل چوہدری دا آکھنا ہے پئی مشرف نے اپنی منقولہ جداداں دھی تے بیوی نوں سزا ہون توں پہلا گفٹ کردتیاں سن۔ اینج ہی چک شہزاد دا فارم ہاؤس 2008 وچ بیگم دے ناں کردتا سی۔ ڈیفنس کراچی دے فیز 8 والا پلاٹ وی مشرف تے اوس دی سالی دی بھائی والی وچ ہے۔ مشرف اپنے شیئرز وی دھی تے بیوی نوں دے دتے سن۔ ڈی ایچ اے اسلام آباد والے دو پلاٹ وی مشرف گفٹ کیتے سن۔ وکیل ایہہ وی آکھیا پئی قنون پاروں جے کوئی زبانی گفٹ وی کردے تے اوس نوں عدالتاں مندیاں نیں۔ ایہہ وی آکھیا جارہیا ہے پئی پینشن ایکٹ 1871 پاروں عدالت پینشن نوں ڈک نہیں سکدی۔ مشرف نوں دو پینشناں ملدیاں نیں، اک زبردستی بنے صدر پاروں تے دوجی آرمی چیف پاروں۔ صہبا مشرف اپنی درخاست وچ آکھیا پئی میرے خصم نوں ’’مغرور‘‘ نہ آکھو کیونجے اوہ علاج کروان باہر گیا سی۔ پلاٹاں دی تفصیلاں سن کے ہی پتہ چلدا ہے پئی مشرف ’’سب سے پہلے پاکستان‘‘ کیوں کھدا سی اتے پاکستان تو مراد اوہ آپ ہی سی۔ہورے عدالتاں نال نبڑن لئی مشرف بول‘‘ ٹی وی تے اینکر بنن دے ارادے رکھدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels