Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> خیبر پی کے وچ داعش: کیہ خیبر پی کے نوں وی فاٹا بنانا ہے؟

خیبر پی کے وچ داعش: کیہ خیبر پی کے نوں وی فاٹا بنانا ہے؟

وچار ڈیسک
March 2nd, 2017

خیبر پی کے دے پلس افسر ولوں ایہہ خبر جاری کیتی گئی ہے پئی صوبہ وچ داعش والے عام لوکاں وچ لُکے بیٹھے نیں۔ کیونجے ایہہ بندے افغانستان جاکے کاروائیاں کردے نیں تاں مارے پلس انہاں توں ڈردی ہے۔ خبر وچ ایہہ گل وی منی گئی ہے پئی جلال آباد دی تھاواں تے داعش دے ٹھکانے نیں اتے اوتھوں 2 گھنٹیاں وچ بندے پاکستان آجا سکدے نیں۔مطلب اوتھے وی ایہہ افغانستان دے ’’گڈ طالبان‘‘ بنے ہوئے نیں۔ خبر نال ایہہ جاپدا پے پئی داعش والے دوناں پاسے دے سیکورٹی اداریاں نوں ایہہ چکر دتا ہے پئی اوہ انہاں دے سجن نیں۔ پر سوال تے ایہہ ہے پئی خیبر پی کے دی صوبائی سرکار ایس بارے کیہ سوچدی ہے؟ اج کل فاٹا نوں عارضی طور تے 5 سال لئی خیبر پختونخوا وچ رلاون دا پروگرام بن رہیا ہے۔ ایہہ پروگرام فاٹا وچ ریفارمز توں پہلاں ہی کیوں بنایا گیا ہے؟فاٹا وچ ریفارمز کیتیاں جاندیاں بھیر نویں ووٹر لسٹاں بنا کے مڑ ہر پدر تے چوناں ہوندیاں تے نالوں نال فاٹا دے نال لگدے خیبر پی کے دے ضعلیاں وچ سارے حفاظتی قدم چکے جاندے تے اخیر ایس گل دا فیصلہ ہوندا پئی اگے کی کرنا ہے۔ ایہہ اک وڈا سوال ہے کجھ لوکاں نوں نواں بندوبست بناون دی جلدی ہے تے کجھ پرانے بندوبست نال ہی چمٹے ہوئے نیں۔ پرانے بندوبست دے حامی پرانے بندوبست نال چنے بندیاں دی گل نہیں منیندے تے نویں بندوبست دے حامی نویں چوناں یا ریفرنڈم توں بچنا چاہندے نیں۔اسفندریار ولی خان ریفرنڈم دے کیوں خلاف نیں؟ایہہ ریفرنڈم کوئی ڈکٹیٹر تے نہیں کروا رہیا؟ ایس دی اوہ کوئی منطق نہیں دے سکے۔ فاٹا دے بندوبست نوں اسفندیار سنے سب کوڑ آکھدے نیں۔ ایف سی آر سمیت اوتھے غیر انسانی بندوبست ہے جس نوں برٹش انڈین سرکار نے امیر عبدالرحمن نال مل کے بنایا سی۔امیر ہوراں نے تے اپنی سوانح وچ منیا وی ہے ۔پر پاکستانی پختون قوم پرست ایس توں انکاری نیں کیونجے پاکستان بنن بعدوں انگریزاں دے آکھن تے افغانستان دے حاکماں ڈیورنڈلین نوں مسلہ آکھ دتا سی۔ حیرانی ہے پئی پرانے بندوبست نوں کوڑ آکھن والے اوس بندوبست راہیں منتخب ہون والیاں نوں صحیح آکھدے نیں۔ فاٹا وچ لوک کنج منتخب ہوندے ایہہ سب جاندے نیں۔ فاٹا دے لوکاں دی رائے کیوں لینا ضروری نہیں؟ ایس بارے کوئی گل نہیں کردا۔ ہن اج خیبر پی کے، فاٹا تے جلال آباد تیک دی تھاواں تے جے داعش موجود ہے تاں فیر کیہ خیبر پختونخوا نوں وی فاٹا بنانا جے؟ خیبر پی کے وچ رلتی اقلیتی زباناں والے وکھرے پریشان نیں پئی کتھے فاٹا رلن توں بعد ہزارہ صوبہ دی لہر ہورہی تگڑی ہوجائے گی؟پارا چنار والے وکھرے پریشان نیں پئی انہاں نال کیہہ ہو سی؟ فاٹا تے خیبر پی کے وچ غیر رجسٹرڈ افغاناں دا مسئلہ اک ہور ’’سردرد‘‘ ہے۔ پر سرکار نوں گھٹ و گھٹ فاٹا ریفارمز دا اعلان تے کردینا لوڑی دا ہے۔ ایس مسئلہ نوں نرا پختون حاکمیت دی نظر نال ویکھنا اک کوڑ گل ہے۔
Tribune Pakistan news
https://tribune.com.pk/story/1343408/small-trade-front-daish-members-hide-among-public-k-p/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels