Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کیہ سارے پٹھان ’’افغان مہاجر‘‘ نیں؟ پروپیگنڈہ تے میڈیا

کیہ سارے پٹھان ’’افغان مہاجر‘‘ نیں؟ پروپیگنڈہ تے میڈیا

February 28th, 2017

اوہ جیہڑے صبح شام پنجاب تے پنجابیاں نوں گالاں کڈھدے رہندے نیں انہاں بارے کدی انسانی حقوق کمیشن تے میڈیا والیاں اک واری وی گل نہیں کیتی، انہاں نوں اج پاکستانیت یاد آرہی ہے۔ پنجاب نوں گا لاں کڈہنا تے فیشن دا حصہ ہے۔ پاکستان وچ پنجاب مخالفتاں دے بڑے رنگ نظر آندے نیں اتے ایس پاروں نمبرٹنگن والے کنج چھالاں لاندے نیں ایہہ اج کل میڈیا تے نظر آرہیا ہے۔ محض ریٹنگ ودھان لئی میڈیا دا اک حصہ پٹھاناں تے دوجا پنجابیاں دا حمائیتی بنایا ہویا ہے تے خبراں تے پروگراماں نال ریٹنگ ودھان وچ مگن جے۔ جداں بلاول بھٹو نے پی آئی ٹی نوں ’’پنجاب دی ایم کیو ایم‘‘ آکھیا سی تے اوس ویلے تے ایس بارے کسے غور نہیں کیتا سی۔ عوامی نیشنل پارٹی تے ہمیشہ توں پٹھاناں نوں کراہے پاون تے لگی ہے۔ پر انہاں کول سرفراز بگٹی تے حاصل بزنجو دی گلاں دا کیہ جواب ہے؟ مسئلہ سارا افغان مہاجراں دا ہے پر اوس نوں پختون قومی مسئلہ بناون وچ این جی اوز اپنا ایجنڈا اگے ودھا رہیاں نیں۔ جداں پنجابی بلاگراں نوں چکیا گیا سی تے اودھوں انسانی حقوق کمیشن دے پردھاناں تے میڈیائی ناخذاواں ایہہ کیوں نہیں آکھیا سی پئی پنجابی بلاگراں نوں چکیا جا رہیا ہے؟ اسلام آبادی این جی اوز کتھے ستیاں ہوئیاں سن۔ عوامی نیشنل پارٹی نے بغیر کسے بحث دے، پچھلے دور وچ پنجابی زبان دے ساریاں لہجیاں نوں زباناں بنا دتا سی کیونجے اینج پشتو دے مقابلے تے پنجابی زبان بولن والیاں دا تناسب گھٹانا مطلب سی۔ ایہہ سب کانگرس تے نو آبادیاتی چالاں دی تقلیداں وچ کیتا گیا سی۔ اوس ویلے تے سب نوں ’’چپ‘‘ لگ گئی سی۔ ات گردیاں نوں قومیتی تے فرقہ وارانہ رنگاں پاروں ویکھنا اک کوڑ پالیسی ہے پر جداں ایہہ گھما پنجاب مخالفت وچ ورتیا جاندا ہے تے بڑے بڑے دانشور، اینکر تے این جی اوز والے ایس وچ اگے اگے ہوندے نیں۔ جیہڑے کم پٹھاناں لئی غلط ہے اوہ باقیاں لئی کنج ٹھیک ہوسکدے نیں۔ میڈیا تے انسانی حقوق والیاں نوں پہلے تے افغان مہاجراں بارے اپنی پالیسی سامنے رکھنی لوڑی دی ہے۔ غیر رجسٹرڈ افغان مہاجر ہون یا برمی، بھارتی، بنگالی، انہاں سب بارے واضح موقف نظر آنا لوڑی دا ہے۔ جہناں نوں افغان مہاجراں دا یڈا خیال ہے اوہ پہلاں غیر رجسٹرڈ افغاناں نوں رجسٹرڈ کروان۔ جہناں افغان مہاجراں دے پاکستانی شناختی کارڈ انہاں بنوائے نیں اوس نوں کینسل کروان۔ بے گناہواں دی حمائیت نری انسانی بنیادی حقاں دی بنیاد تے کرن نہ کہ قومیتی یا لسانی بنیاداں تے۔ میڈیا والے پہلے قومیتی تعصب پھیلاندے نیں اتے اخیر وچ پاکستانی بن کے مٹی پاندے نیں۔ اینج مسئلہ ہور چوڑ ہی ہوسکدا ہے۔ اساں جاندے ہاں خیبرپختونخوا تے فاٹا توں کڈے سکھ خاندان اج پنجاب آکے وسن تے مجبور ہوئے نیں۔کڈے پنجابیاں نوں کوئٹہ چھڈنا پیا سی؟ کدی انسانی حقاں والیاں تے میڈیا دا ایس پاسے وی دھیان گیا ہے؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels