Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فوجی عدالتاں: پی ٹی آئی تے مسلم لیگ (ن) دوسال ہور دین لئی تیار:پی ٹی آئی سلام پھیرن دی تھاں سجدہ۔۔۔۔

فوجی عدالتاں: پی ٹی آئی تے مسلم لیگ (ن) دوسال ہور دین لئی تیار:پی ٹی آئی سلام پھیرن دی تھاں سجدہ۔۔۔۔

وچار ڈیسک
February 28th, 2017

دو وڈی پارلیمانی پارٹیاں دے لیڈارں وچ دوسال لئی فوجی عدالتاں نوں رکھن بارے اتفاق دی خبراں نیں۔ میڈیا نال ایہہ گلاں اسحاق ڈار تے شاہ محمود قریشی ہوراں اج کیتیاں نیں۔ پی پی پی نے مارچ دی 4 تریخ نوں آل پارٹیز اجلاس بلایا ہے جس وچ فوجی عدالتاں بارے اوہ فیصلہ کرن گے۔ گونگلواں توں مٹی لاندے ہوئے شاہ محمود آکھیا پئی سرکار نے ترے سال آکھے سن پر اساں دوسال کر دتے نیں۔پر لوکاں نوں عمران خان تے شیری مزاری دے بیان یاد نیں۔ایہہ وی آکھیاگیا ہے پئی جہناں مقدمیاں دا فیصلہ دوسال وچ نہیں ہوئے گا اوہ اپنے آپ ات گردی خلاف بنائی گئی عدالتاں وچ شفٹ ہوجاون گے۔ آئینی ترمیم تے کم کررہے ہاں۔ ایہہ گل تے ہر کسے کیتی کہ فوجی عدالتاں توں سزاواں تے سینکٹراں بندیاں نوں ہویاں پر ایس سزا تے عملدرآمد چند درجن تک محدود رہیا۔ پر ایہہ گل کسے نہ کیتی کہ ایس وچ قصور داخلہ وزارت دا ہے، سپریم کورٹ دا یا فیر ایہہ سزاواں دین والیاں دا۔جے اگلے دو سالاں وچ ایس گل دا نھیڑا ہی ہو جائے تاں گل اگے ودھ سکدی ہے۔ دلچسپ گل تے ایہہ وی ہے پئی پی پی پی تے دوسال پہلے وی دل تے پتھر رکھ کے اجازتاں دتیاں سن پر ایس وار زیادہ اگے دے نعرے تے پی ٹی آئی والیاں لائے سن۔ پر جداں سلام پھیرن دی واری آئی تے اوہ سجدے وچ جا ڈگے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels