Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بلوچستان دے مدرسیاں وچ افغان منڈے پڑھدے نیں ۔داخلہ وزیر بلوچستان سرفراز بُکٹی

بلوچستان دے مدرسیاں وچ افغان منڈے پڑھدے نیں ۔داخلہ وزیر بلوچستان سرفراز بُکٹی

وچار ڈیسک
February 27th, 2017

افغان مہاجراں کوئٹہ سمت بلوچستان دا حلیہ وگاڑ دتا ہے اتے جس نوں یقین نہ ہوئے اوہ 1961 تے 1998 دی مردم شماریاں دے اعداد و شمار آپ ویکھ لے۔ جداں کوئی افغان مہاجراں بارے گل کردا ہے تے پختوناں دے حقاں دی آڑاں لے کے کجھ سیاستدان، میڈیائی ناخدا اتے کجھ این جی اوز دے ہرکارے کد پیندے نیں۔ جیہڑے اسلام آباد تے پشور توں آکے لہور وچ افغان مہاجراں دے اکٹھ کرواندے نیں انہاں بارے اسی چنگی طراں جاندے ہاں۔ ہن ایہو گل سرفراز بگٹی ہوراں کیتی ہے تے عمران خان سنے انہاں ساریاں نوں ’’چپ‘‘ لگ جائے گی جہیڑے افغان مہاجراں دے مسلہ نوں اپنی سیاستاں نوں اگے ودھاون وچ ورت رہے نیں اتے پنجاب تے الزام دھردے نیں۔ بلوچستان دے داخلہ وزیر ہی نہیں سگوں میر حاصل بزنجو وی ایہو گلاں کرچکے نیں جہیڑے بلوچاں دی سب توں وڈی پارٹی دے آگو نیں۔ مذہبی امور دے وفاقی وزیر مملکت امین الحسنات شاہ وی اجہی گلاں کرچکے نیں اتے مدرسیاں لئی باہروں آون والی لمیاں رقماں تے تنقیدیاں کردے رہے نیں۔ بگٹی ہوراں آکھیا ہے پئی بلوچستان وچ بہوں سارے (غیررجسٹرڈ) مدرسے چل رہے نیں اتے انہاں وچ افغان پڑھیار وادھو نیں۔ ایہہ طالبان لئی نرسیاں دا کم کردے نیں۔ نیشنل کاوئنٹر ٹریرازم اتھارٹی دے پردھان احسان غنی دا آکھنا ہے پئی اساں نویں پالیسی بنارہے ہاں جس وچ تمام غیر رجسٹرڈ مدرسیاں نوں رجسٹرڈ کرنا لازم ہوسی۔ایہہ کم تے 2002 وچ ہی ہو جانا چاہیدہ سی پر مشرف دی دوغلی پالیسیاں پاروں ایہہ نہ ہو سکیا۔وائس آف امریکہ توں چلن والی ایس خبر وچ ایہہ گل منی گئی ہے پئی غیررجسٹرڈ مدرسیاں دی وڈی گنتری افغانستان تے پاکستان وچ موجود ہے۔امریکہ بہادر تے سولہ سال تون افغانستان وچ بیٹھا ہے تے ہلے تیک نیٹو والیاں غیر رجسترڈ مدرسیاں نوں رکھیا ہویا ہے؟ ایس بارے کون جھات پائے گا؟ ایہہ وی دسیا گیا ہے پئی بلوچستان وچ 5500 مدرسے ایسے نیں جتھے بچیاں نوں ٹہرایا وی جاندا ہے اتے اوہ رہائشی مدرسے نیں۔ افغانستان پاکستان تے الزام لاندا ہے اتے پاکستان افغانستان اُتے پر دوناں سرکاراں غیر رجسٹرڈ مدرسیاں نوں رجسٹرڈ کرن بارے رلویں کم کرن دے حوالیاں نال گل کیوں نہیں کردیاں؟ ایس سوال دے جواب وچ ساری گل سمجھ آجاندی ہے۔جے دوپاسے اپنے اپنے اثاثے پالن دا کم جاری رہ سی تاں پھیر مسلہ چوڑ ہی رہے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels