Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجاب سرکار تے ات گردیاں:پنجابی صوفیاں دے کلام نوں نصابا وچ رلتی کرو

پنجاب سرکار تے ات گردیاں:پنجابی صوفیاں دے کلام نوں نصابا وچ رلتی کرو

February 27th, 2017

پنجاب ایپکس (Apex) کمیٹی ات گردیاں خلاف فیصلہ کن کاروائیاں کرن لئی رلویں اپریشناں دے گل چھوئی ہے۔ وزیراعلیٰ شہباز شریف دی پردھانی وچ ہون والے ایس اکٹھ وچ پنجاب دے باڈر ضلعیاں وچ کم کرن بارے فیصلے کیتے گئے نیں اتے ایہہ آکھیا گیا پئی پنجاب سرکار ات گردیاں، فرقہ پرستیاں اتے انتہا پسندیاں خلاف کم کرے گی۔ میٹنگ وچ رلتی لوکاں دا ات گرداں نوں مکاون تے اتفاق سی۔ ات گرداں دی مالی تے فکری مدد نوں وی نشانے تے رکھیا گیا ہے ۔ میٹنگ وچ نیشنل سیکورٹی ایڈوائزر پاکستان لیفٹنٹ جنرل (ر) ناصر جنجوعہ، لہور دے کور کمانڈ، لیفٹنٹ جنرل صادق علی، پنجاب کاوئنٹر ٹیرر ازم دے وزیر کرنل (ر) محمد ایوب، ڈی جی رینجرز پنجاب میجر جنرل اظہر نوید حیات، جی او سی 10 ڈویژن میجر جنرل سردار طارق امان، چیف سیکٹری پنجاب کیپٹن (ر) زاہد سعید، آئی جی پولیس پنجاب مشتاق احمد سکھیرا، سیکٹری داخلہ پنجاب میجر (ر) اعظم سلیمان خان تے دوجے سیاسی تے عسکری افسر رلتی سن۔ات گرداں خلاف آپریشن ات گردیاں تے انتہا پسندیاں خلاف وڈی جنگ دا ک حصہ ہے اتے ایس گل نوں چیتے رکھے بغیر ایس جنگ نوں جتنا اوکھا ہی نہیں ناممکن وی ہے۔ پر جو کجھ قومی میڈیا تے آرہیا ہے اتے بیانات وی اتے جارہے نیں اوس توں ایہہ تاثر تگڑا ہوندا ہے پئی ایہہ آپریشن نرا ات گرداں خلاف ہی ہے۔کیہہ اتگرداں نوں مکاون یا دوڑاون نال سب کجھ بدل جا سی ؟انتہاپسندیاں تے ات گردیاں خلاف ماحول بناون لئی ایپکس کمیٹیاں نوں چیمبر آف کامرس،پریس کلباں، ایڈیٹراں، این جی اوز، وکیلاں، ڈاکٹراں ،استاداں تے پڑھیاراں دے فورماں نال تواتراں نال ملنا ہوسی۔یاد رکھن والی گل ایہہ وی ہے پئی ات گرد اوسے راہ توں آندے نیں جتھوں سمگلنگ دا مال آندا ہے اتے ایہہ وی لوڑی دا ہے پئی وڈے شہراں یعنی پشور، کراچی، کوئٹہ، لہور تے اسلام آباد دے مہنگے بازاراں وچ سمگلنگ دی شئے واں وکنا بند ہون۔ سرکاری تے نجی سکولاں دی کتاباں ات گرداں تے انتہا پسندیاں نوں جنج وادھا دیندیاں نیں اوس بارے جھات پانا وی لوڑی دا ہے۔ جیہڑا ملک اک آئینی جدوجہد نال بنیا ہے اتے اوس دے لیڈر ہمیشہ قنون دے احتراماں دی گل کردے رہے اتے انہاں اسمبلیاں وچ وی رلتی ہوئے جہناں نوں اختیار وی بہوں گھٹ سی اوتھے نصابان وچ قنون تے حکمرانیاں تے سٹیزن شپ حقاں اتے جمہوریت بارے گل ہوندی ہی نہیں۔ نصاباں وچ سارا زور1857، خلافت و ہجرت دی لہراں تے ہوندا ہے جو بچے وچ آئین تے قنونی جدوجہد نوں تگڑا نہیں ہون دیندا۔ باقی دی کسر مطالعہ پاکستان کڈ ماردی ہے جس وچ ڈکیٹراں تے 9، 9 صفحیاں دے باب شامل ہوندے نے اتے ڈکیٹراں خلاف کیتی جدوجہداں بارے دو لفظ وی نہیں پائے جاندے۔ سرکاری تے نجی سکولاں دی کتاباں وچ ایہو کجھ بھریا ہے۔ جس خطہ وچ صوفیا دی ملن ورتن دی ہزار سالہ تریخ ہوئے، جتھے بابا فرید نانک توں خواجہ فرید تے میاں محمد بخش تیک پنجابی صوفی کلام دا وڈا ذخیرہ ہوئے اوتھے رواداریاں دے ایس خزینے نوں نظر انداز کرکے اساں کدی وی انتہا پسندیاں، فرقہ پرستیاں تے ات گردیاں خلاف گل نہیں کرسکدے۔ ایہہ اک چومکھی لڑائی ہے اتے ریاست دے وڈکیاں نوں ایس حوالے نال چوکھا کم کرنا ہوسی۔کیونجے نواں سکول سسٹم بنادے ہوئے انگریزاں پنجابی صوفی شاعراں نوں رلتی نہیں کیتا سی تاں مارے اوہ اج تیک ساڈے نصاباں وچوں باہر ہی نیں۔جڈے بیگناہ ایس ایریشن وچ زیادہ پھڑے جان گے اڈے ہی سوال ایس بارے اٹھن گے، تاں مارے ایس وچ زیادہ چستی دی لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels