Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> قومی لسانی کمیشن بناؤ تے پرانابیانیہ بدلو۔مست ایف ایم103دے پروگرام وچ گل بات(آڈیو)

قومی لسانی کمیشن بناؤ تے پرانابیانیہ بدلو۔مست ایف ایم103دے پروگرام وچ گل بات(آڈیو)

وچار ڈیسک
February 25th, 2017

لوک لہر ریڈیو شو
گل بات ڈاکٹر امداد حسین تے نین سْکھ:اج پاکستان وچ مادری زباناں دی گل ہون لگی ہے اتے ایس سال سرکاری تے غیر سرکاری پدر تے پاکستانی مادری زباناں بارے پروگرام ہو ئے نیں۔مسئلہ نرا مادری زباناں اتے لہجیاں دا نہیں سگوں ایہہ گل وی کرن دی لوڑ ہے پئی پاکستان وچ انگریزی تے اْردو دا کیہہ رول ہے۔کسے زبان نوں ماٹھا تے کسے نوں ودھیا آکھن والا گھٹیا بیانیہ بدلنا ہو سی۔1973دا آئین اوہ پہلا سرکاری دستاویز ہے جس وچ مادری زباناں نوں منیا وی گیا اتے پنجابی، پشتو،سندھی،بلوچی تے براہوی بورڈاں نوں سرکار ولوں مدداں وی دتیاں گیاں۔ پر ایس دے نال نال جن لوکاں نوں ایہہ گل پسند نہ آئی انہاں مادری زباناں وچ لہجیاں دی لڑائیاں شروع کروا دتیاں۔اینج مادری زباناں وچ ضیاالحقیاں پا دتیاں گیاں۔ٹیچا ایہہ سی پئی پرانا بیانیہ چلدا رہے۔اج اک قومی پدر تے لسانی کمیشن بنا کے انہاں مسئلیاں نال نجٹھیا جا سکدا ہے۔
ساڈے ایتھے علم سینہ بسینہ چلدا سی اتے لکھت دی تھاں باد رکھن تے زور سی۔اساں پڑھ تے سکدے ساں پر لکھت دی لوڑ نہیں سی۔اوہ وی تے کوئی علم سی جہیرا ساڈے پرانے معماراں کول سی۔ اوہ بلڈنگاں بنادے سن،۔کیسا کیسا کاریگر ہوندا سی۔ سب سینہ بسینہ چلدا سی۔اج علم دے انہاں حوالیاں نوں براؤن صاحب یاد نہیں رکھنا چاہندا کیونجے گوریاں اوس نوں ایہو دسیا ہے۔انگریز زباناں، لہجیاں تے لپیاں نال کھیڈدے رہے۔ ساڈی تھاواں تے کشمیری، پشتو ،بلوچی تے پنجابی انگریزاں نہیں لائی تے اْردو لا دتی۔مادری زباناں دے نیشن بلڈنگ وچ کردار بارے جے جاننا ہوئے تے جاپان دی مثال ویکھو۔جاپان دی سرکار کجھ لوکاں نوں مختلف شعبیاں وچ یورپ گھلدی سی اتے اوہ واپس آکے جاپانی وچ اوہ علم اپنے لوکاں نوں دیندے سن اتے سرکار ایس تے وادھو رقماں خرچدی سی۔۔۔
ایہہ گلاں مست ایف ایم 103دے سفتہ وار پروگرام لوک لہر وچ ہوئیاں جس دی پوری ریکارڈنگ دا لنک اسی دے رہے ہاں۔ایہہ پروگرام ہر پیر نوں پاکستانی ویلے دے مطابق چار توں چھ وجے تیک ہوندا ہے اتے پنجاب پنچ بلاگ تے ایس دی ریکارڈنگ رکھ دتی جاندی ہے۔ایس پروگرام نوں افصل ساحر تے عامر ریاض چلاندے نیں۔ہن تسی وی ایس نوں سنو

LINK OF THE RADIO SHOW LOK LHAR
http://punjabpunch.blogspot.com/2017/02/radio-show-regarding-mother-tongue.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels