Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پانامہ کیس:فیصلہ محفوظ عمران خان مایوس

پانامہ کیس:فیصلہ محفوظ عمران خان مایوس

وچار ڈیسک
February 23rd, 2017

اج فیصلے دی اڈیک وچ رات جگراتے وچ گذران والیاں نوں اک وار فیر سونا پئے گیا۔ اوہناں تے جمعرات نوں دیگاں چڑھاون دے آڈر دتے ہوئے سن اتے ڈی جے وی تیار سی پر ججاں پاروں چمچے کھڑچے خالی رہ گئے تے بینڈ باجے نوں لپیٹ لتا گیا۔ جسٹس کھوسہ آکھیا سانوں فیصلہ لکھن وچ کجھ وقت لگ سی۔ انہاں مقدمے وچ آون والے سارے وکیلاں دا شکریہ ادا کیتا۔ اداریاں دے پردھاناں اتے وکیلاں وی سکھ دا ساہ لتاکیونجے سب نوں بہوں کجھ سننا پیا سی۔ خان ہوری ہن کوئی نواں بیان دین توں کنی کتران گے۔ عدالت آکھیا ایس کیس دا مختصر حکم نہیں آئے گا۔ عمران خان، شیخ رشیدوغیرہ تے عدالت نوں آکھ چکے نیں پئی اوہ جو وی فیصلہ دے گی سانو منظور ہوسی۔ پر اج انہاں دی ا میداں تے پانی ڈل گیا۔ پیپلز پارٹی دا المیہ ایس توں زیادہ بھیڑا ہے۔ پئی اک پاسے اوہ آکھدے نیں عدالتاں انہاں نال ہمیشہ دھرو کیتا ہے تے دوجے پاسے آکھ رہے نیں پئی عدالتاں انج دا ’’دھرو‘‘ (ن) لیگ نال نہیں کردی۔ایس نوں پٹھی منطق آکھدے نیں۔جس ملک وچ سمگلنگ دا مال سر عام وکدا ہوئے اتے اسلام آباد، لہور، کراچی، پشور، کوئٹہ سنے ہر وڈے شہر وچ سمگلنگ دا مال ویچن والیاں تے کوئی روک نہ ہوئے اوس ملک وچ پانامہ دی گل کرنا اوتھے چھچ تے چھاننی والی مثال فٹ آندی ہے اتے عدالت وی ایس نوں جاندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels