Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پی ٹی آئی یو ٹرن :پھیر لائن بدل گئی۔فوجی عدالتاں دی حمائیتاں

پی ٹی آئی یو ٹرن :پھیر لائن بدل گئی۔فوجی عدالتاں دی حمائیتاں

وچار ڈیسک
February 19th, 2017

اک وار پھیر پی ٹی آئی اپوزیشن نال گل کرن تو بغیر’’قبلہ‘‘ بدل لتا ۔عمران خان نے پہلے شیری مزاری نوں مخالفتاں لئی اگے کیتا اتے پھیر شاہ محمود قریشی کولوں اک ہور بیان دوا دتا۔پہلے آکھیا جاندا سی پئی حکومت سانوں دسے کہ اوس اپنا کم کیتا ہے اتے کڈا کیتا ہے۔اساں سرکار کولوں ضمانتاں چاہندے ہاں تانجے ریفارمز کرن دا ویلہ متھیا جائے۔جداں تیک سانوں پتہ نہیں چل سی اساں فوجی عدالتاں دی مخالفتاں کردے رواں گے۔پر ہن شاہ محمود پرانے دعوے تے دلیلاں بھل گئے نیں اتے ایس مسلہ تے اپوزیشن نوں وی پچھے بغیر کانٹا بدلدے ہوئے ہن فوجی عدالتاں دی حمائیتاں کر دتیاں نیں۔ انہاں آکھیا پئی سیکورٹی دی صورتحال بہوں خراب جے۔دوجے پاسے خیبر پی کے دے آئی جی پلس ناصر خان درانی ہوراں دنیا ٹی وی نوں انٹرویو دیندے ہوئے آکھیا فاٹا نوں ریگولیٹ کرن تو بغیرامن نہیں ہو سکدا۔انہاں دسیا پئی ایران وچ وی افغان مہاجر گئے سن پر انہاں نوں کیمپاں وچ رکھیا گیا سی پر اساں افغان مہاجراں نوں بغیر اطلاع دتے پورے ملک وچ آون جاون دی اجازتاں دتیاں۔انہاں اپنی صوبائی سرکار نوں آکھیا پئی پنجاب وچ پلس دے شہید نوں اک کڑوڑ روپئیے دتے جاندے نیں جد کہ خیبر پختونخواہ وچ نرے30لکھ دتے جاندے نیں جس پاروں جواناں وچ بددلی ودھدی ہے۔شاہ محمود قریشی جے اپنے آئی جی پلس کولوں ہی بریفنگ لے لیندے تے اوہ فوجی عدالتاں دی حمائیتاں دے نال نال ات گردیاں دا شکار صوبے دے مسلیاں بارے وی کجھ کر سکدے۔اک دوجے ٹی وی شو وچ خزانے دے وزیر دسیا پئی دو یا تن سالاں لئی فوجی عدالتاں نوں جاری جاری ر کھیاجائے گا اتے ایس عرصہ وچ عدالتی بندوبست نوں ٹھیک کرنا ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels