Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستانی ہندوخش:سینیٹ نے وی ہندومیرج بل پاس کردتا۔

پاکستانی ہندوخش:سینیٹ نے وی ہندومیرج بل پاس کردتا۔

وچار ڈیسک
February 18th, 2017

قومی اسمبلی توں منظور کیتے گئے ہندو میرج بل 2017 نوں ہُن سینیٹ آف پاکستان نے وی منظور کردتا ہے۔ ہُن پاکستانی ہندواں نوں اپنا ’’پرسنل لاء‘‘ مل گیا ہے۔ ایس قنون پاروں پاکستانی ہندو زنانیاں کول شادی دا ثبوت ہوسی۔ صوبے وی وکھرا وکھرا ہندو پرسنل لاء پاس کرچکے نیں۔ بل تے ساریاں پارٹیاں اتفاق کیتا اتے ایہو جمہوریت دی اصل فتح ہے جتھے ہر کم تصفیحہ نال ہوندا ہے۔ سینیٹ دی انسانی حقاق بارے کم کردی کمیٹی نے ایہہ بل تیار کیتا سی۔ جمعیت علماء اسلام (ف) دے رکن مفتی عبدالستار بل دی مخالفت ایس بنیاد تے کیتی سی پئی آئین وچ پہلاں توں مذہبی اقلتیاں نوں تحفظ حاصل ہے۔ اعتزاز احسن، ڈاکٹر جہانذیب جماالدین اتے سرتاج عزیز ورگے سینٹراں نے بل دی حمائیتاں وچ تقریراں کیتیاں سن۔ ڈاکٹر رمیش کمار نے ایوان دا شکریہ ادا کیتا اتے آکھیا اجہے قنوناں پاروں پاکستان ہور تگڑا ہوسی۔ جنج مسلمان شادی ویلے نکاح نامہ رجسٹرڈ کروندے نیں اینج ہی ہُن پاکستانی ہندواں نوں وی ’’شادی پڑھت‘‘ رجسٹرڈ کروانا ہوسی اتے ایہہ دستاویز شادی دا ثبوت ہوسی۔ پنڈت ہوری ایس تے دستخط کرن گے اتے ایس نوں سرکار کول جمع کروایا جاسی۔ بل وچ ایہہ وی لکھیا ہے پئی جے کوئی اپنا دھرم بدلنا چاہندا ہے تے اوہ ہندو منڈا یا کڑی پہلے عدالت وچ جاکے ’’شادی پڑھت‘‘ نوں ختم کروائے گا۔ کجھ پاکستانی ہندواں دا خیال ہے پئی قنون وچ لکھیا جانا چاہیدا ہے پئی اوہ پہلے شادی پڑھت ختم کروائے اتے فیر دھرم بدلے۔ زیادہ تر پاکستانی ہندواں نوں ایہہ قنون ہوا دا جھونکا لگدا ہے پئی اک تے ایس وچ شادی دی عمر 18 سال ہے اتے دوجا ہر شادی یا طلاق رجسٹرڈ ہون نال وی بہوں فرق پئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels