Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عربی شہزادہ شیخ حماد بن جاسم ’’فراڈیا جے۔ عمران خان دی سپریم کورٹ وچ درخاست

عربی شہزادہ شیخ حماد بن جاسم ’’فراڈیا جے۔ عمران خان دی سپریم کورٹ وچ درخاست

February 18th, 2017

اج کل عمران خان دی ساری امیداں عربی اتے قطری شہزادے نوں جھوٹا کرن تے نیں۔ انہاں سپریم کورٹ وچ اک ہور درخاست پائی ہے جس وچ قطری شہزادے دے فراڈاں بارے گل کیتی ہے۔ جے سپریم کورٹ پرت کے عمران خان دی ٹیکس بچاون لئی بنائی گئی آف شور بارے پچھ لتا یا فیر ترین، علیم خان بارے گل چھیڑ دتی، جس بارے تینوں اقرار کر چکے نیں، تاں خان ہوراں دی’’الٹی گنتی‘‘ شروع ہوجائے گی۔ خان ہوری بھل رہے نیں پئی انہاں دے پرانے سجن پرویز مشرف نے وی اک عربی بادشاہ دا حوالہ ہی دتا ہے۔ اخیر ایہو گل ثابت ہورہی ہے پئی ثبوت تے کوئی نہیں پر جے عدالت عربی خطاں نوں فارغ کردے تاں خان ہوراں دی موجاں ہوسکدیاں نیں۔ خان ہوری ایہہ گل بھل رہے نیں پئی سیاست دی لڑائی نوں عدالتاں وچ لڑن نال عدالتاں وی بدنام ہوندیاں نیں تے سیاست تے وی حرف آندے نیں۔ سیاست نوں تے چوناں وچ ہی جتیا جاسکدا ہے۔ خان ہوری اتے انہاں دے منن والے تے اج کل ایہہ وی آکھ رہے نیں پئی ایہہ اَت گردیاں وچ تیزیاں نرا پانامہ پاروں نیں۔ایہہ گل ات گرداں نوں وی سوٹ کر دی ہے۔ نواز شریف نوں ہٹاون لئی خان صاحب مودی دی حمائیتاں وی لے سکدے نیں ہورے۔ پیپلز پارٹی انہاں نوں سمجھایا سی پئی عدالتاں توں بجائے سیاسی میدان وچ پانامہ دا کیس لڑن اتے 2018 دی چوناں ایس تے لڑن۔ حتاکہ عمران خان دے وکیل اتے تحریک انصاف دے سینئر لیڈر حامد خان وی ایس مقدمے توں تاں مارے پچھے ہٹ گئے سن کونجے ایس وچ جان نہیں سی۔ پر عمران خان اج کل شیخ رشید تے نعیم بخاری دے مرید بنے ہوئے نیں۔ ثبوت دین دی تھاں سب کچھ عربی شہزادے تے پاون دا مطلب اک ہاری ہوئی لڑائی وچ ’’کمک‘‘ دی امیداں توں ودھ کجھ نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels