Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> قلندر تے حملہ بعدوں وڈا کریک ڈاؤن:43 اَت گرد مارے گئے: وزیراعظم سیہون اپڑ گئے۔

قلندر تے حملہ بعدوں وڈا کریک ڈاؤن:43 اَت گرد مارے گئے: وزیراعظم سیہون اپڑ گئے۔

February 17th, 2017

لال شہباز قلندر دے مزار تے خودکش حملہ نوں پاکستان تے حملہ آکھن بعدوں اَت گرداں خلاف اپریشن تیز کردتا گیا ہے۔ ہُن تیک دی خبراں وچ 43 اَت گرداں نوں ماردتا گیا ہے۔ افغانستان دی سرحد بند جے اتے افغانستان سفیر نوں بلاکے پاکستان اپنا احتجاج رجسٹرڈ کروایا ہے سہیون توں کراچی آرہے اک رینجر قافلے تے حملہ ناکام بنادے ہوئے اَت گرداں نال ٹاکرا ہویا اتے ایس وچ 11 اَت گرد مارے گئے۔ ایس توں اڈ پشور، کوئٹہ ڈیرہ اسماعیل خان، بنوں، اورک ذئی ایجنسی تے ہنگو وچ مختلف کاروائیاں پاروں 19 اَت گرد مارے گئے۔ وزیراعظم دی زیر قیادت اک وڈا وفد آپ سیہون شریف اپڑیا جس وچ آرمی چیف وی رلتی سن۔ایہہ ات گرداں لئی اک پیغام جے۔افغان صدر وی ات گردی دے ایس حملہ دی شدید مخالفت کیتی اتے آکھیا پئی ات گرد صوفیاں دے خلاف نیں۔اَت گرداں بارے کاروائیاں لوڑی دیاں نیں پر اَت گرداں بارے نواں بیانیہ اوس توں زیادہ لوڑی دا ہے۔پاکستان تے افغانستان نوں رل مل کے نواں بیانیہ بنانا ہو سی۔ اساں ہلے تیک پرانے بیانیے نوں چلا رہے ہاں۔ اج لوڑ ہے سانوں اپنی قدیمی ریت ول پرتن دی اتے اَت گردیاں نوں صوبیاں ،ملکاں تے فرقیاں دی عینکاں توں نہ ویکھن دی۔ اَت گرد تھاں تھاں تے نیں اتے جے تسی کسے صوبائی حکومت خلاف ہویا تہانوں کسے فرقے دے لوک چنگے نہیں لگدے یا پھیر تہانوں کسے ملک نال ویر ہے تاں ایس تعصب نوں اَت گردی خلاف مہم دا حصہ نہ بناؤ۔ نصاباں توں میڈیا تیک جد تیک پاکستان تے افغانستان وچ بیانیے بدلن گے نہیں اوس ویلے تیک سماج توں اَت گرداں دی حمائیتاں رہن گیاں۔ ایس لئی اک وڈے تے بھرنویں پروگرام دی لوڑ ہے وچ سب رلتی ہون۔پاک افغان باڈراں تے ات گرداں تے سمگلراں دا گھما توڑنا اک وڈا کم ہے تے ایس لئی عام لوکاں نوں تنگ کیتے بغیر سرحداں نوں قابو کرنا ہو سی۔اج بیاناں توں زیادہ عمل دی لوڑ ہے پئی الزام بازیاں نال کجھ نہیں ہوئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels