Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بسنت وانگ ویلنٹائن ڈے مناون تے وی عدالتاں پابابندیاں لادتیاں

بسنت وانگ ویلنٹائن ڈے مناون تے وی عدالتاں پابابندیاں لادتیاں

February 13th, 2017

اسلام آباد ہائیکورٹ نے عوامی تھاواں تے ویلنٹائن ڈے مناون تے پابندیاں لادتیاں۔ ایہہ پابندیاں نری اسلام آباد وچ نہیں سگوں پورے ملک وچ لائیاں گیا ں نیں۔ اساں پنجاب حکومت نوں روندے ساں پئی اوہ بسنت نہیں مناون دیندے ایتھے ’’جھگا‘‘ ہی چوڑ ہوگیا ہے۔ ویلنٹائن ڈے توں کجھ چر پہلاں تاں مارے حکم اایا ہے پئی کوئی ایس نوں ڈک نہ سکے۔ حکم ہی نہیں آیا سگوں انفارمیشن دی وفاقی وزارت تے پمرا نوں وی سدھ لتا ہے پئی اوہ ایس حکم تے عمل کروان۔ ایہہ حکمنامہ اسلام آباد ہائیکورٹ دے جج شوکت عزیز ہوراں جاری کیتا ہے۔ پرنٹ تے الیکٹرانک میڈیا نوں آکھیا گیا ہے پئی اوہ ویلنٹائن ڈے دے حوالے نال کوئی پروگرام نہ چلاون۔ ایہہ حکم اک شہری عبدالوحید دی پٹیشن بعدوں دتا گیا پے جس وچ آکھیا گیا سی پئی ویلنٹائن ڈے غیر اسلامی تہوار ہے۔ بسنت وچ لوکاں دا مرنا وی اک ’’بہانہ‘‘ ہی سی اصل کہانی تے ’’اسلام تے غیر اسلام‘‘ دی لڑائی سی۔ ’’نان ایشوز‘‘ نوں خبراں بنانا اک وڈا گھن چکر ہے ۔جداں مشرفی دور وچ اوس ویلے میڈیا عدالتاں دے نال سی اتے ایہہ بھل گیا سی پئی ایہہ گل کتھے تیک اپڑے گی۔ ہن اج دی نوجوان نسل نوں وی پتہ چل جانا چاہیدا ہے پئی اوہ کیہڑا مائنڈسیٹ ہے جس پاروں پاکستان دا کم ایڈا خراب ہویا ہے اتے اج پاکستان دنیا بھر وچ ’’بدنام ‘‘ہے۔ کتھے ایہہ مائنڈ سیٹ ’’انسانی جاناں‘‘ مگرلک کے وار کردا ہے تے کتھے ایہہ ’’مغربی کلچر‘‘ نوں رگیدے ہوئے وار کردا ہے۔ پر ایس دا اصل نشانہ عوام نیں جہناں دی خشیاں ایس مائنڈ سیٹ نوں’’وارا‘‘ نہیں کھاندی۔ سپریم کورٹ نوں ایس دا فوری نوٹس لینا چاہیدا ہے پئی ایس مائنڈ سیٹ نے ملک دا مذاق بناکے رکھ دتا ہے۔ ایہہ خبر پاکستان توں باہر ساڈا امیج برباد کرن وچ اوہی کردار ادا کرے گی جو بامیان دے پہاڑی بت ڈگا کے طالبان افغانستان نال کیتا سی۔ پاکستان دے ویریاں لئی ایہہ اک ’’نادر خانی‘‘ موقعہ کسے ہور نے نہیں سگوں ساڈی عدالتاں نے آپ فراہم کیتا اہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels