Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> تعلیمی اداریاں وچ ودھدا ہویاتشدد: اساں اپنے نوجواناں نوں کیہہ سکھا رہے ہاں؟

تعلیمی اداریاں وچ ودھدا ہویاتشدد: اساں اپنے نوجواناں نوں کیہہ سکھا رہے ہاں؟

وچار ڈیسک
February 13th, 2017

پورے ملک دی یونیورسٹیاں توں تشدد دی خبراں آرہیاں نیں جس وچ مذہبی تے دوجی طلبا جتھے بندیاں رلتی نیں۔ کل ہی پنجاب یونیورسٹی وچ اسلامی جمعیت طلبا دی لڑائیاں دی خبر آئی سی۔ذرا سوچو بھلا ایہہ دنگے نرے سرکاری تعلیمی اداریاں وچ ہی کیوں ہوندے نیں؟ کراچی یونیورسٹی ہوئے یا قائداعظم یونیورسٹی ، اسلامی یونیورسٹی یا پنجاب یونیورسٹی ، دنگے مذہبی طلبا جتھے بندیاں کرن یا قومیتی، لسانی یا سیکولر جتھے بندیاں کرن، ہوندے ایہہ پبلک یونیورسٹیاں وچ ہی نیں۔ڈان والیاں اک رپورٹ چھاپی جے جس وچ لکھیا ہے پئی سرکاری تعلیمی اداریاں وچ طلبا تے استاد مذہبی، فرقہ وارانہ، قومیتی تے لسانی تقسیماں وچ ونڈے ہوئے نیں۔ایہو حال پرائیوٹ تعلیمی بندوبست نال چلن والے اداریاں وچ وی ہے اتے اوس دی بڑیاں شکلاں تاں مارے لکیاں ہوئیاں نیں کیونجے ایتھے ہر شئے نوں پرائیوٹ کرن دا ایجینڈا کئی دہاکیاں توں جاری جے۔
پچھلے سال نومبر وچ خیبر پی کے دی ہزارہ یونیورسٹی دے باہر دو سٹوڈنٹ قتل ہو گئے سن۔جداں پچھلے دناں قائداعظم یونیورسٹی وچ دو گروپاں وچ جھیڑیاں بعدوں دو طلبا نوں کڈہن دی گل ہوئی تے وایس چانسلر اوس نوں ڈک دتا۔اینج منفی سرگرمیاں کرن والیاں دی حوصلہ افزائیاں ہوئیاں۔ہائر ایجوکیشن والے آکھدے نیں ایہہ مسلے بہوں اوکھے وی نیں اتے سنجیدگی نال غور کرن والے وی نیں۔ہلے طلبا یونیناں نہیں نے تاں ایہہ حال ہے اتے جداں سیاسی جماعتاں دی پچھلگ طلبا جتھے بندیاں وی آ وڑیاں اتے انہاں یونیناں وی قابو کر لیتیاں تے اوس دا فنڈ وی انہاں نوں لبھ گیا تاں کیہہ ہو سی؟جے ایس دور وچ تعلیمی اداریاں دے ڈیپاٹمنٹاں وچ سوسائٹیاں دی چوناں تسلسلاں نال کروائیاں ہوندیاں تاں بہوں سارے مسلے حل ہو جاندے۔پر اجہیاں سوسائٹیاں نجی تعلیمی اداریاں وچ وی لوڑی دیاں نیں۔آئین جتھے بندیاں دی اجازتاں دیندا ہے پر پرائیوٹ تعلیمی اداریاں وچ استاداں تے طلبا نوں کیوں ایس آئینی حق توں وانجھا رکھیا ہویا ہے؟وڈے وڈے لکھاری پبلک تعلیمی اداریاں لئی تے یونیناں دی گل کر دے نیں پر پرائیوٹ تعلیمی اداریاں بارے ذکر وی نہیں کردے۔طلبا دی سیاسی جتھے بندیاں اتے تعلیمی اداریاں وچ تشدد جہے اوکھے مسلیاں تے ساڈی اسمبلیاں اتے انہاں دی کمیٹیاں کد غور کرن گیاں؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels