Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> 21 فروری:ماں بولی دیہاڑ مناون لئی تیاری اکٹھ

21 فروری:ماں بولی دیہاڑ مناون لئی تیاری اکٹھ

وچار ڈیسک
February 11th, 2017

پنجابی ادبی بورڈ دی پردھانی ہیٹھ جمعہ نوں ایس سال عالمی ماں بولی دیہاڑ مناون لئی اکٹھ ہویا جس وچ پنجابی سُوجواناں رلت کیتی۔ ایس وار پنجاب وچ فیصل آباد (لیل پور)، ساہیوال تے لہور وچ 14 فروری توں 21 فروری تیک ماں بولی دیہاڑ حوالے نال وڈے پڑ لگن گے۔ پنجابی ادبی بورڈ عالمی ماں بولی دیہاڑ مناون دا کم کجھ سالاں پہلے چھویا سی اتے اوس بعدوں لیل پور وچ وی کم چکیا گیا۔ اتے ایس سال توں ساہیوال وی ایس وچ رلت کررہیا ہے۔ پنجاب دے شہراں پنڈاں وچ عالمی ماں بولی دیہاڑ نوں سامنے رکھ کے پروگرام کروانے لوڑی دے نیں کیونجے غیر پنجابی آکھدے نیں پنجابیاں نوں اپنی ماں بولی نال پیار نہیں۔ اکٹھ دے پردھان صدر پنجابی ادبی بورڈ مشتاق صدقی سن اتے بورڈ دی سیکٹری پروین ملک ہوراں میٹنگ چلائی۔ ایس وچ نوجوان وی رلتی سن اتے زنانیاں وی پئی پنجابی دی گل انہاں توں بغیر توڑ نہیں چل سکدی۔ اکٹھ وچ رلت کرن والے بہوں سارے ناواں وچ جمیل پال، سیدہ دیپ، فاخرہ بی بی،عامر ریاض،نین سکھ،زبیر احمد،طارق جٹالہ،اقبال قیصر، عباس علی صدیقی، سعید بھٹہ، ظہیر وٹو، مدثر بٹ، طاہر سندھو اتے بورڈ دے موڈھی ممبر اتے ادارہ ثقافت اسلامیہ دے ڈائریکٹر قاضی جاوید سمیت بہوں سارے دوست رلتی سن۔ اکٹھ مُڑ اگلے جمعہ نوں ہوسی اتے اوس تیک پوسٹر تے لیف لیٹ ونڈے جاون گے۔ بورڈچونویں صحافیاں نال گل کرن لئی ایجوکیشن رپورٹرز ایسوسی ایشن دی نویں باڈی نوں 19 تریخ نوں استقبالیہ دین دا وی فیصلہ ہویا۔ سیکٹری ہوراں دسیا پئی انہاں پنجاب دے 300 اسمبلی دے ممبراں نوں وی چھٹی پائی ہے۔ اکٹھ وچ ایڈووکیٹ طاہر سندھو بیکن ہاؤس سکول خلاف آون والے تواریخی فیصلے چوں کجھ چونویں گلاں دسیاں اتے سب نے طاہر ہوراں نوں ایس کامیابی دا لاڑا آکھیا۔ اکٹھ نوں دسیا گیا پئی پنجاب حکومت نے سپریم کورٹ وچ پنجابی زبان نوں بطورلازمی مضمون لاون لئی اک ڈرافٹ بل پیش کیتا سی اتے آکھیا سی اساں جلد ایس نوں اسمبلی وچ لیاواں گے۔ہن بورڈ ایس نوں اسمبلی وچ لیاون لئی پٹیشن وی لڑ رہیا ہے۔ پنجاب حکومت نوں اپنی عدالت اگے کیتی کمٹمنٹ نوں پورا کرنا چاہیدا ہے۔پروین ملک ہوران ااکھیا پئی اسی اگلی پیشی دی اطلاع دواں گے تے سب بیلی اوس دن عدالت آون۔ایس توں بعدوں مختلف کمیٹیاں اپنی اپنی کاروائیاں توں بورڈ نوں دس پائی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels