Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ہائے اوہ ربّا۔پانامہ پیپرز والی کمپنی دے مالک وی دھرے گئے۔سیاسی جوڑ توڑ لئی منی لارڈرنگ۔پانامہ میڈیا تے گارڈین

ہائے اوہ ربّا۔پانامہ پیپرز والی کمپنی دے مالک وی دھرے گئے۔سیاسی جوڑ توڑ لئی منی لارڈرنگ۔پانامہ میڈیا تے گارڈین

وچار ڈیسک
February 11th, 2017

اساں خلافتی گدی نوں بچاون لئی تحریک خلافت چلاندے رہے، گاندھی دی قیادت وچ بندے مرواندے رہے تے ترکاں خلافت نوں ہی مکا چھڈیا۔ لگدا ہے پانامہ خلافتی لہر دا انجام وی ایہو ہو سی۔گارڈین والیاں اتے دوجے وڈے میڈیا نے تے خبراں چھاپ دتیاں نیں بی بی سی اْردو والیاں ہن تیک ایس خبر نوں نہیں چھاپیا۔خبر اں موجب پانامہ پیپرز دی لیکس وچ اک وڈی کمپنیOdebrecht ملوث جاپدی ہے جہیڑی تیل دے کارویہار توں منی لانڈرنگ اتے سیاسی جوڑ توڑ وچ اگے اگے سی۔ ایس دی وڈکےMarcelo Bahia Odebrech نوں2015 وچ گرفتار کیتا گیا سی تے اوس نوں پچھلے سال 7مارچ نوں19سال دی سزا ہوئی سی۔ایہہ پانامہ دا وڈا ’’ملک‘‘ سی اونج ہی جس طراں ساڈے ایتھے اک عام پراپرٹی ڈیلر نماملازم نوں وڈیاں ’’ملک‘‘ بنا یا جاندا ہے۔ایہہ پانامہ دے ’’ملک‘‘ نے وی 1992وچ ایہہ کمپنی جائن کیتی سی تے2008وچ ایس عالمی کمپنی دا سی ای او بنا دتا گیا۔ ایس دے پھڑیچے جاون دے کجھ دناں بعدوں ہی پانامہ چوریاں دا قصہ جرمنی توں سامنے آیا کیونجے ایس دا اپنا خاندانی پچھوکڑ وی جرمن ہے۔عدالت تے پانامہ سرکار تے پریشر پاون لئی اک مجرم اپنی مرضیاں دی دستاویزاں چوری کروائیاں تے ہن اوس سی ای او تے دستاویزاں دی راکھی لاء فرم دا سانگا وی سامنے آگیا ہے تاں مارے وال سٹریٹ جنرل، گارڈین سب نے ایہہ خبراں لائیاں نیں۔پر بی بی سی والیاں نوں ہلے تیک خبر نہیں ہوئی ۔ہن کل نوں کوئی ساڈا ملک وی’’ وگڑ ‘‘جائے تاں اوہ اپنی مرضی دا ’’سچ‘‘ سامنے لیائے، جنج صحافیاں دی رقماں لین والی لسٹاں، تاں ایس نوں کیہہ آکھاں گے، تساں آپ سوچو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels