Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> فاٹا نوں ساڈے صوبے دا حصہ بناؤ۔۔ ورنہ دھرنا۔ اسفندیار دی دھمکی

فاٹا نوں ساڈے صوبے دا حصہ بناؤ۔۔ ورنہ دھرنا۔ اسفندیار دی دھمکی

وچار ڈیسک
February 8th, 2017

خیبر پی کے وچوں غیر پختون تھاواں تے نواں صوبہ بناون دی گل نہ کرن والے اسفندیار ولی خان ہوراں ایہہ آکھیا ہے پئی جے فاٹا نوں ساڈے صوبہ وچ رلایا نہ گیا تاں 12 مارچ نوں اساں دھرنا دواں گے۔پر کس دے خلاف؟ ایہہ نہ دسیا۔ حکومت تے پہلاں ہی 5 سالاں لئی فاٹا نوں عارضی طور تے خیبر پی کے دا حصہ بناون دی گل کرچکی ہے اتے پارلیمانی کمیٹی وچ اتفاق وی ہے۔اوہ ایہہ کہنا نہیں چاہندے پئی فاٹا دے مسلہ دے حل بارے ایسے صوبہ دے مولانافضل الرحمن نے اعتراض کیتاہے۔اسفندیار ایس نوں اپنی سیاستاں نوں ودھاون لئی نہ ورتن سگوں صوبہ وچ سب نوں جوڑن۔ دوجے پاسے پختوناں دے حقاں دے وڈے دعویدارمحمود خان اچکزئی نوں وی ایس تے اعتراض نیں۔ چلو فصل الرحمن تے پنجابی (سرائیکی) بولن والے ہوئے پر اچکزئی تے پختون نیں۔اوہ چاہندے نیں پئی اے ین پی والے وی پاکستان وچ پختوناں دے اک صوبہ نوں بناون دی گل کرن۔اوہ نرا صوبہ خیبر پی کے دے مفاداں دی راکھی نہ کرن سگوں بلوچستان دے پختوناں دا وی خیال کرن۔ایہہ کوئی نواں نقطہ نظر نہیں سگوں اچکزئی خاندان پچھلے60 سالاں توں ایہو آکھ رہیا ہے۔محمود خان اچکزئی دے والد عبدالصمد اچکزئی وی ایہو گل کردے سن پر یحیٰ خانی دور وچ خان غفار خان تے خان عبدالولی خان نے انہاں دی گل نہیں منی سی حلانکہ ایہہ گل نیشنل عوامی پارٹی دے منشور وچ لکھی سی۔ اج محمود اچکزئی اوہی گل کررہے نیں پر چارسدے دے خان خیبر پی کے دے غیر پختوناں تے اپنا قبضہ رکھن پاروں ایہہ گل نہیں من رہے۔حیران نہ ہونا تحریک انصاف وی ولی خانی ریت نوں نبھا رہی ہے۔ ایس دا اک حل تے ایہہ وی ہے پئی فاٹا دی ساری ایجنسیاں وچ وکھو وکھ ریفرنڈم کروالتا جائے اتے لگ پتا جائے کون خیبر پختونخواہ وچ رلنا چاہندا ہے، کون اک پختون صوبہ بنانا چاہندا ہے اتے کون فاٹا نوں وکھرا صوبہ بناون دے حق وچ ہے۔اک ہور وڈا مسلہ فاٹا ریفارمز تے بے گھرے فاٹا والیاں دی واپسی دا ہے۔ایس تے فوری عمل کرنا چاہیدا ہے۔ اسفندیار ولی خان ہوری فضل الرحمن تے محمود خان اچکزئی دے خلاف 12 مارچ نوں دھرنا دین گے یا وفاق خلاف ؟ ایس بارے وی انہاں نوں پوری گل کھولنی چاہیدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels