Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جام مدد علی بعدوں عشرت العباد وی پی پی پی ول ’’ڈل ‘‘رہیا ہے

جام مدد علی بعدوں عشرت العباد وی پی پی پی ول ’’ڈل ‘‘رہیا ہے

وچار ڈیسک
February 8th, 2017

پی پی پی وچ اج کل سندھ دے وڈے وڈے ناں اوسے طراں ’’ڈل‘‘ رہے نیں جنج 2011 بعدوں وڈے کھڈاری تحریک انصاف وچ رلتی ہون لگے سن۔ اینج جاپدا ہے پئی ضیاالحقیاں 2018 وچ مکن دی امیداں ودھ رہیاں نیں۔ ضیاالحقیاں پاروں سندھ وچ پنڈاں تے شہراں دی سیاستاں نوں اینج ونڈیا گیا سی پپئیا وہ سندھی مہاجر جھیڑیاں نوں ودھائے۔ اتے نال نال کراچی نوں اینج ونڈیاسی پئی اوہ مہاجر تے غیر مہاجر وچ ونڈیا جائے۔ اجہے پراجیکٹاں وچ بہوں سارے ہرکارے رلتی رہے سن جنہاں وچوں بہوں سارے تے اج ایکسپوز ہو گئے نیں اتے کجھ کن لپیٹ کے پی پی پی وچ جا رہے نیں۔ اج جدوں ایم کیو ایم ونڈی گئی ہے تے اک امید پیدا ہوئی ہے کہ سندھ شہری، دیہاتی اتے سندھی غیر سندھی دی تقسیماں وچوں نکل سکے۔ صوبہ سندھ نوں ضیاالحقی کھوبیاں چوں پی پی پی ہی کڈھ سکدی ہے۔ خبراں موجب سندھ دے سابق گورنر اتے ایم کیو ایم دے سینئیر لیڈر عشرت العباد تے آصف زرداری وچ میٹنگاں ہورہیاں نیں۔اوہ پی پی پی وچ رلتی ہون گے یا پچھے رہ کے پی پیپی دی حمائیتاں کرن گے ایس بارے فیصلے اجے ہونے نیں۔سیاسی پارٹیاں وڈے ناواں نون جن جھپا ضرور پاون پر اپنے سیاسی ورکراں بارے وی غور کرن کیونجے پارٹی دا بوتھا تے انہاں دے ورکر ہی ہوندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels