Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> خیبر پی کے حکومت: ’’تنگی‘‘ وچ فضل الرحمن دا مدرسہ سیل بند۔سیاسی انتقام یا قنون دی راکھیاں؟

خیبر پی کے حکومت: ’’تنگی‘‘ وچ فضل الرحمن دا مدرسہ سیل بند۔سیاسی انتقام یا قنون دی راکھیاں؟

وچار ڈیسک
February 7th, 2017

شب قدر: ضلع چارسدہ وچ شپ قدر نیڑے ’’تنگی‘‘ وچ دارالعلوم تعلیم القرآن نوں ڈسٹرکٹ گورنمنٹ نے سیل کردتا ہے۔ مدرسہ دے متولی نے ایس نوں سیاسی انتقام آکھیا ہے پر انتظامیہ ایس نوں قومی ایکشن پلان تے عمل وانگ پیش کررہی ہے۔ جی یو آئی (ف) دے مفتی گوہر علی دسیا ہے پئی صوبائی حکومت تے شیرپاؤ رل مل کے پلس راہیں کاروائی کیتی ہے تانجے اساں اگلی چوناں وچ اوس دے خلاف نہ لڑ سیکے۔ انہاں دے نال جے یو آئی (ایف) دے ضلعی امیر مولانا ہاشم خان وی سن۔
مفتی گوہر ہوراں آکھیا پئی مینوں کجھ دن پہلاں ہرکاریاں راہیں پیغام دتا گیا سی کہ میں شیرپاؤ لئی آسانیاں پیدا کراں۔ انہاں خیبر پی کے دے آئی جی پلس اتے ڈی آئی جی مردان نوں ایس بارے تفتیشاں کرن دا آکھیا۔ انہاں ایہہ وی انکشاف کیتا کہ مینوں عوامی نیشنل پارٹی نال اتحاد توڑن بارے وی آکھیا گیا سی۔ چارسدہ دے ڈپٹی کمشنر ایس گل توں تسلیم کیتا پئی مدرسے نوں بند کرن دا اختیار ضلعی حکومت کول نہیں سگوں ایہہ یا صوبائی حکومت کردی ہے یا پھیر مرکزی سرکار۔ بی بی سی خبر دتی ہے پئی ایس مدرسے توں پچھلے دناں اَت گردوی پھڑے گئے سن اتے مفتی گوہر ایس بارے تصدیقاں کیتیاں نیں۔ پر مفتی ہوراں دا آکھنا ہے اساں تے ایجنسیاں نال تعاون کررہے ساں فیر ساڈے تے چھاپہ کیوں ماریا گیا تے مدرسے نوں جتھے 400 منڈے پڑھدے نیں سیل کیوں کیتا گیا۔ ایہہ نرا سیاسی انتقام ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels